Deri më datë 25 mars ndalohet grumbullimi në vende të mbyllura apo të hapura, në kuadër të minimizimit të të prekurve me Covid-19.
Vendimi i Komitetit Shkencor është botuar sot në Fletoren Zyrtare.
Risjellim në vëmendje se më 4 dhjetor, Partia Republikane depozitoi një padi ku kërkonte shfuqizimin e urdhrit të ministres së Shëndetësisë, Ogerta Manastirliu – të datës 17 nëntor 2019 – që ndalon grumbullime më shumë se 10 persona, tubime, mbledhje partiake, ceremoni martesore, etj.
Gjykata Kushtetuese deklaroi pas shqyrtimit të padisë se vendimi i kufizimeve, pa afat, cënon standardet kushtetuese.
Vendimi i Komitetit Shkencor:
PËR NJË NDRYSHIM NË URDHRIN NR. 633, DATË 17.11.2020 “PËR NDALIMIN E GRUMBULLIMEVE NË VENDE TË MBYLLURA APO TË HAPURA”
Në mbështetje të nenit 102, pika 4, të Kushtetutës së Republikës së Shqipërisë, të nenit 7, pika 4, të ligjit nr. 15/2016, “Për parandalimin dhe luftimin e infeksioneve dhe sëmundjeve infektive”, të udhëzimeve të Institutit të Shëndetit Publik, me qëllim mbrojtjen e shëndetit të popullatës nga infeksioni i shkaktuar nga COVID-2019, si edhe vendimit të Komitetit Teknik nr. 1356, datë 11. 3. 2021,
URDHËROJ: Në urdhrin nr. 633, datë 17.11.2020, “Për ndalimin e grumbullimeve në vende të mbyllura apo të hapura”, bëhet ndryshimi si vijon:
Në pikën 1 të urdhrit, togfjalëshi “deri në një urdhër të dytë” zëvendësohet me togfjalëshin “deri në datën 25.3.2021”.
