Kompania “Meta” po përballet me akuza se, ndihmoi në nxitjen e përhapjes virale të urrejtjes dhe dhunës gjatë luftës civile në Etiopi.
Një ndër personat, të cilët ngritën çështjen kundër “Metës” është Abrham Meareg, djali i një akademiku etiopian, që u qëllua për vdekje pasi u sulmua në postimet në “Facebook”.
Tashmë ata duan një fond prej 2 miliardë dollarësh për “viktimat e urrejtjes” në Facebook, si dhe kërkojnë ndryshime në algoritmin e platformës.
Nga ana tjetër, Meta tha se investoi shumë në moderim dhe teknologji për të larguar urrejtjen. Një përfaqësues tha se gjuha e urrejtjes dhe nxitja e dhunës ishin kundër rregullave të platformës.
“Puna jonë për sigurinë dhe integritetin në Etiopi udhëhiqet nga reagimet nga organizatat lokale të shoqërisë civile dhe institucionet ndërkombëtare”, tha përfaqësuesi.
