Kylian Mbappe ka kërkuar zyrtarisht largimin nga Paris Saint-Germain.
Lajmi është konfirmuar nga drejtori sportiv i PSG, Leonardo. Francezi, ka kërkuar nga klubi për t’u larguar, në mënyrë që të transferohet te klubi i tij i ëndrrave, Real Madrid.
“Kylian Mbappe dëshiron të largohet. Nëse ai dëshiron të largohet, ne nuk do ta ndalojmë, por do të bëhet sipas kushteve tona”, ka thënë Leonardo.
PSG-ja nuk dëshiron ta shesë Mbappen, por Leonardo ka këmbëngulur se klubi nuk do ta mbajë kundër dëshirës së tij.
Mësohet se madrilenët kanë bërë dhe ofertën e parë zyrtare për Mbappen, rreth 160 milionë euro, por kjo kërkesë është refuzuar në Paris, që kërkojnë të paktën mbi 200 milionë për ta lënë të lirë sulmuesin.
