Aktualitet

Konflikti mes biznesmenëve për pallatin te ish-Parku, banorët kërcënojnë me grevë urie














Bëni LIKE faqen zyrtare në Facebook
               Publikuar në : 14:02 - 01/02/21 |
mapo.al

Vijon protesta e banorëve të pallatit në rrugën “Ndre Mjeda” në Tiranë (ish-Parku), pas të cilit janë biznesmenët e njohur për median dhe drejtësinë, Sino Llanaj dhe Albert Allmuça.






Ata nuk mund të futen në banesat e tyre ndonëse kanë paguar për to.


Në pritje të vendimit të Gjykatës së Apelit Tiranë, qytetarët presin që të gjejnë rrugë të ndërmjetme përmes Bashkisë Tiranë, ndërsa kërcënojnë me grevë urie në rast se nuk gjendet një zgjidhje.







“Sigurisht, do të vijojmë të presim deri të enjten, nëse do të arrihet një marrëveshje. Duke qenë se nuk është marrë një vendim akoma, ne do ta bëjmë publik në momentin që do të merret nga Bashkia. Nuk e dimë ende çfarë vendimi do të marrë bashkia, duhet të presim ditën e enjte. Nëse nuk gjejmë zgjidhje, ne do të futemi në grevë urie dhe do të nisim protestat duke bllokuar rrugët”, – tha një qytetar për Fax News.



Risjellim në vëmendje se Sino Llanaj, investitori i parë i pallatit, u ka marrë qytetarëve mijëra euro për shitjen paraprake të banesave, dhe është konfliktuar me Albert Allmuça pasi ky i fundit nuk ka përfunduar ndërtimin e tyre.



Në fillim të janarit, biznesmeni Llanaj u qëllua me armë zjarri nga persona të maskuar, që dyshohet se janë porositur nga Allmuça, pikërisht për shkak të konfliktit të agravuar.

LEXO EDHE:

Zbardhen detaje të reja nga plagosja e biznesmenit Llanaj

 

1


Etiketa: , ,

CLOSE
CLOSE
Pas