Aktualitet

Konflikti para derbit Partizani-Tirana / Arrestohen 2 të rinj, 14 nën hetim









Bëni LIKE faqen zyrtare në Facebook
               Publikuar në : 10:05 - 22/01/21 |
mapo.al

Policia ka arrestuar dy të rinj në Elbasan si autorë të trazirave para derbit Partizani-Tirana. Ditën e djeshme para sfidës tifozët e irrituar pasi nuk u lejuan të futen në stadium u konfliktuan.



Raportohet se të arrestuarit janë Stiven Vojka dhe Kevi Beqiraj.


Nga ana tjetër janë hetuar tashmë 14 persona në gjendje të lirë.




Tre të dëmtuar ngelën nga konflikti, ndërkaq u sulmua me gurë dhe lokali i Astrit Mahmutajt, që është dhe gjuqtar anësor në Superligë.



NJOFTIMI NGA POLICIA


U konfliktuan fizikisht me njëri-tjetrin, duke përdorur sende të forta, para ndeshjes së futbollit Tirana-Partizani, arrestohen në flagrancë 2 shtetas, procedohen penalisht 14 të tjerë.

Specialistët për Hetimin e Krimit në Komisariatin e Policisë Elbasan arrestuan në flagrancë shtetasit S. V., 28 vjeç dhe K. B., 19 vjeç, banues në Tiranë, si dhe kanë proceduar penalisht në gjendje të lirë 14 shtetas të tjerë.

Lexo edhe :  Elbasan/ FNSH aksion te zona e Metalurgjikut, kontrolle për persona të dyshimtë

Arrestimi dhe procedimi i këtyre shtetasve u bë pasi në lagjen “Luigj Gurakuqi”, bulevardi “Aqif Pasha”, Elbasan, këta shtetas, si tifozë të ekipeve të futbollit Tirana dhe Partizani janë konfliktuar fizikisht me njëri-tjetrin, duke përdorur sende të forta, dhe për pasojë janë dëmtuar 3 shtetas, të cilët ndodhen jashtë rrezikut për jetën.

Gjithashtu është dëmtuar me sende të forta (gurë) një lokal në pronësi të shtetasit A. M.

Materialet hetimore i kaluan Prokurorisë pranë Gjykatës së Shkallës së Parë për veprime të mëtejshme procedurale.

1


Etiketa: , ,

Pas