Një konflikt pronësie mes dy komshinjëve, ka bërë që njëri prej tyre të marrë sopatën dhe të qëllojë 64-vjeçarin. Ngjarja ka ndodhur ditën e sotmë në Vorë, ku ndërhyrja e policisë ka bërë që konflikti të mos përshkallëzohej. Policia thotë se ka arrestuar një 62-vjeçar, me akuzën “Plagosja e rëndë në gjendje të tronditjes së fortë psikike”. Komshinjtë janë konfliktuar për një tokë që ndodhet pranë banesave të tyre.
Njoftimi
Policia parandalon përshkallëzimin e mëtejshëm të një konflikti për motive pronësie.
Plagosi me mjet prerës 46-vjeçarin, arrestohet në flagrancë autori
Shërbimet e Komisariatit të Policisë Vorë, pas marrjes së njoftimit për një konflikt pronësie mes dy shtetasve në fshatin Domje, ku njëri prej tyre kishte përdor mjet prerës sopatë, menjëherë kanë shkuar në vendngjarje duke parandaluar përshkallëzimin e mëtejshëm të konfliktit.
Nga veprimet e para hetimore rezultoi se shtetasi I.T, gjatë një konflikti për motive pronësie me komshiun e tij shtetasin B.A, në kushte të rënduara psikike e ka goditur me sopatë.
Shtetasi B.A, ndodhet në spital jashtë rrezikut për jetën
Në përfundim të veprimeve, Specialistët e Seksionit për Hetimin e Krimit në Komisariatin e Policisë Vorë, arrestuan në flagrancë shtetasin: I. T., 62 vjeç, banues në Domje, për veprën penale “Plagosja e rëndë në gjendje të tronditjes së fortë psikike”.
Materialet i kaluan Prokurorisë për veprime të mëtejshme