Nëse kampionati do të ishte një roman fantazie, Antonio Konte nuk do të kishte pikë dyshimi se cilit do t’i jepte rolin e protagonistit. “Ibrahimoviç më lë përshtypjen se është Guliveri, një gjigant”. Por sigurisht që Juventusi nuk është liliputi dhe këtë e tregon klasifikimi. Kundër Parmës pritet turnoveri për të ruajtur vendin e parë dhe pathyeshmërinë në kampionat.
Kundër gjigantëve
“Juve dhe Milani në arrati? Mungojnë edhe 54 pikë deri në fund, gjithçka mund të ndodhë për 6-7 skuadrat e para. Më befason thjeshtësia me të cilën fiton Milani, pavarësisht mungesave. Ibra është një kampion i madh, ngjan si Guliveri. Kuqezinjtë janë superfavoritët. Rrugët drejt fitores janë të ndryshe, por të gjitha të kalueshme. Alegri bazohet tek individët? Ibra bën diferencën në mënyrë befasuese, është një gjigant. Ne luajmë si dhe për skuadrën. Djersisim për të fituar. Ibra te Juventusi? Unë jam i kënaqur me ata që kam në dispozicion, futbollistët e mi janë më të fortët në botë”.
Ndryshohet
“Roli i Lishtajnerit në fushë është i domosdoshëm, ka luajtur 3 ndeshje në 7 ditë dukie shtyrë dhe vrapuar. Mbase është pak i rënduar. Vidal? Bëri pasimin horizontal që i dha golin e barazimit Udinezes, por zbriti në fushë me impenjimin maksimal. Nesër (sot), është ndeshja e katërt në 10 ditë, do të bëj vlerësime të kujdesshme dhe do të flas me të tërë, grupi më ka dhënë përgjigje të mira. Skuadra që fiton mund të ndryshohet dhe tani, me ndeshjet e mesjavës është më e lehtë të rikuperosh”.
Alarmi nga bora
“Me Udinezen e denim që pasdite se do të binte dëborë. Tani ka mjete dhe insttrumente që të lejojnë ta parashikosh kohën. Futbolli është i bukur nëse i jepet mundësia që të luhet, urojmë që të jemi gjithnjë në kushtet për të luajtur, përtej mjeteve ekonomike dhe interesave. Nëse do të na duhet që të luajmë mbi një pistë patinazhi, atëherë bëhet e vështirë. Kundër Udinezes, nëse nuk do të ishim në stadiumin tonë, nuk do të luanim futboll. Shpresoj që nëParmasituata të mos jetë e komplikuar”.
Surpriza
“Nuk jam unë surpriza, është Juventusi në tërë sistemin e tij. Të gjithë ne, shoqëria, trajneri dhe lojtarët. Që nga fillimi kam menduar që të luaj për të fituar. Nuk ia dalim gjithnjë, por nuk e kemi padurimin apo stresin e fitores. Juvja i ka nëADA”.
Merkato
“Guarin është një lojtar i mirë, ekstrakomunitar, ne bëmë zgjedhjet tona të merkatos. Kemi pasuruar grupin me Kaseresin në mbrojtje dhe Borrielon në sulm. Nëse vjen një mesfushor mirë, ndryshe do të shkojmë përpara kështu, gjithnjë me hap të kujdesshëm”.
Serie A – Java XXI
Sot
Parma– Juventus 20:45
Nesër
Atalanta – Xhenoa 18:00
Lacio –Milan 20:45
Udineze – Leçe 20:45
Kajliari – Roma 20:45
Inter –Palermo 20:45
Bolonja – Fiorentina 20:45
Napoli– Çezena 20:45
Siena– Katania 20:45
Të enjten
Novara– Kievo 20:45
