Aktualitet

Korçë-Ersekë/ Denoncimi i PD-së: 20 mln euro për 4 km rrugë, fituesi i tenderit është miku i Ramës







Bëni LIKE faqen zyrtare në Facebook
               Publikuar në : 14:18 - 01/10/20 |
mapo.al

Partia Demokratike denoncoi mesditën e sotme një aferë korruptive lidhur me ndërtimin e rrugës Korçë-Ersekë.


Sekretari i Burimeve Njerëzore në PD, Ervin Minarolli deklaroi se në këtë aks do të ndërtohet 1 kilometër me 5 milionë euro kosto. “Edi Rama ka planifikuar që për vetëm 4 kilometra të shpenzojë 20 milionë euro”, tha Minarolli duke shtuar se tenderi është paracaktuar për mikun e kryeministrit, Ndue Kola.


“Sipas standardit të Bankës Botërore një rrugë e tillë, kategoria C, nuk kushton më shumë se 1 milionë euro për 1 kilometër, por babëzia për plaçkitjen e fondeve publike e ka pesëfishuar koston”, vijoi ai duke argumentuar kështu se po kryhet vjedhje e pastër për ndërtimin e rrugës Korçë-Ersekë.



Deklarata e Partisë Demokratike:


Vjedhja me rrugët është një nga aktet më të rënda, për të cilat do të mbahet mend keqeverisja e Edi Ramës.Nuk ka në Shqipëri qoftë edhe 1 kilometër rrugë, ku këta të mos kenë vjedhur miliona euro. I shumëfishojnë kostot, që të mbushin xhepat e tyre. Kështu ndodhi me Rrugën e Arbrit, kështu tek Unaza e Re, kështu me Milot-Fier, kështu po bëjnë tani me vetëm 4 kilometra të rrugës Korçë Ersekë.


Nuk bëjnë asgjë pa siguruar rritjen artificiale të kostove, që pjesa ku do të vjedhin, të jetë sa më e lartë. Në rrugën Korçë-Ersekë vjedhja është e tmerrshme. Do të ndërtojnë 1 kilometër me 5 milionë euro kosto. Është kosto 5 herë më e lartë sesa segmentet e tjerë të së njëjtës rrugë.

Edi Rama ka planifikuar që për vetem 4 kilometra të shpenzojë 20 milionë euro. Me të njëjtën kosto, në të njëjtën rrugë, janë ndërtuar që nga viti 2012 rreth 18 kilometra, me rreth 15 milionë euro. Pra, ne e projektuam me më pak se 1 milionë euro për kilometër, këta, në muajt e fundit të qeverisjes po ndërtojnë me kosto 5 fish më të lartë, që vjedhja dhe pasurimi i paligjshëm të jetë sa më i lartë.

Ka 8 vjet që e zvarrit rrugën, e ka bërë legjendë me premtimet e pamabjtura dhe tani që erdhën zgjedhjet, janë turrur të vjedhin çdo gjë. Tenderi është i paracaktuar për mikun e Edi Ramës, Ndue Kola. Vetëm për 1 euro, tenderi nuk e kalon kufirin e tenderit ndërkombëtar, me qëllim që të përjashtohen nga gara kompanitë e huaja dhe fituesi, me të cilin ndajnë bashkë paratë e vjedhura, të jetë i sigurtë.

 Sipas standardit të Bankës Botërore një rrugë e tillë, kategoria C, nuk kushton më shumë se 1 milionë euro për 1 kilometër, por babëzia për plaçkitjen e fondeve publike e ka pesëfishuar koston. Partia Demokratike e ka bërë të qartë për çdo kompani që bashkëpunon me qeverinë në vjedhjen e qytetarëve gjatë këtyre muajve të fundit të qeverisë, ata do të mbahen njësoj përgjegjës si ortaku i tyre në krim, kryeministri në ikje Edi Rama.


Etiketa: , ,

Pas