Një aksident rrugor me pasojë plagosjen e dy personave ka ndodhur këtë mbrëmje në aksin Korçë-Pogradec. Raportohet se një makinë tip “Audi” ka dalë nga rruga dhe ka përfunduar në një kanal, ndërsa shoferi dhe një pasagjeri kanë mbetur të plagosur. Policia e Korçës njofton se dy të plagosurit janë dërguar me urgjencë drejt spitalit rajonal.
Dyshohet se shkak për aksidentin ka qenë shpejtësia tej normave të lejuara. Policia dhe grupi hetimor ndodhen në vendin e ngjarjes dhe po punojnë për zbardhjen e rrethanave të aksidentit.
