Aktualitet

Koronavirusi në Maqedoninë e Veriut- 45 viktima dhe mbi 1200 raste të reja














Bëni LIKE faqen zyrtare në Facebook
               Publikuar në : 21:34 - 06/04/21 |
mapo.al

Maqedonia e Veriut regjistroi të martën 45 viktima nga koronavirusi dhe 1,259 raste të reja.





Sipas raportit të Ministrisë së Shëndetësisë, 20 viktima u regjistruan në Shkup, katër në Manastir, nga dy në Gostivar, Ohër, Kocan, Veles, Strumicë dhe Gjevgjeli, ndërsa nga një viktimë në nëntë qytete të tjera.


Rastet e reja pozitive rezultuan pas realizimit të 4,555 testimeve, bën të ditur raporti.




Maqedonia e Veriut ka konfirmuar në total 136,426 raste me koronavirus.


Prej tyre, 4,022 pacientë kanë humbur jetën, 136,426 janë shëruar, ndërsa raste aktive mbeten 21,265.


Deri më tash, sipas të dhënave të Ministrisë së Shëndetësisë, janë vaksinuar mbi 12,000 persona kundër koronavirusit.

Ministri i Shëndetësisë, Venko Filipçe, tha se pret që me sigurimin e vaksinave të reja nga Rusia dhe Kina, të vaksinohen deri në 7,000 persona në ditë.

Lexo edhe :  Izraelitët marrin "frymë" lirisht, maska jo më e detyrueshme në publik

Nga e marta, në Maqedoninë e Veriut hynë në fuqi edhe masat e reja për frenimin e përhapjes së koronavirusit.

Ato përfshijnë kufizimin e plotë të lëvizjes së qytetarëve nga ora 20:00 deri në orën 05:00, si dhe ndalimin e punës së objekteve të gastronomisë.

Opozita e fajësoi Qeverinë për, siç tha, përkeqësimin e gjendjes epidemiologjike dhe kërkoi dorëheqjen e ministrit Filipçe.

“Kjo, përveçse është një katastrofë për të cilën Qeveria është përgjegjëse, është turp dhe mjerim që nuk mund të lahet me asgjë. Paaftësia e Qeverisë po paguhet me jetë njerëzish”, thuhet në reagimin e partisë opozitare maqedonase VMRO DPMNE.

Filipçe tha se institucionet po ndërmarrin të gjitha masat për përballje me pandeminë dhe kërkoi që “të mos bëhet politikë me pandeminë”./REL/

1


Etiketa: , , ,

Share
Mbyll
CLOSE
CLOSE
Pas