Pas kompanive të fasonerisë, call-center e spitaleve, koronavirusi ka shpërthyer dhe tek Ujësjellës Kanalizimet. 2 raste pozitive me Covid-19 janë identifikuar të enjten në zyrat e njësisë administrative numër 4 në Tiranë.
Ministria e Shëndetësisë konfirmoi se nga 13 raste të reja të zbuluara në 24 orët e fundit 11 ndodhen në Tiranë, mes tyre edhe dy punonjës të UKT-së
Gjithashtu një tjetër është punonjëse e tatimeve, si dhe një në call-center. Vatra e infeksionit është zgjeruar dhe në spitale.
Nga 39 mjekë e infermierë të testuar 3 kanë rezultuar pozitivë. Shifrat vijnë nga ministria pa dhënë detaje për vendndodhjen e tyre. Numri i të prekurve aktiv në vend ka shkuar në 266 por vetëm 8% e kanë pasur nevojë për trajtim në spital.
Në infektiv aktualisht ndodhen të shtruar 23 pacientë, pesë prej të cilëve në terapi intensive dhe një i intubuar. Ndërkohë 75% e të infektuarve nga 1197 të prekur që nga fillimi i epidemisë tashmë janë shëruar.
LEXO EDHE:
Bie numri i të infektuarve me koronavirus, vetëm 13 raste në 24 orët e fundit
