Aktualitet

Kosova shënon 11 viktima dhe 202 raste të reja me koronavirus














Bëni LIKE faqen zyrtare në Facebook
               Publikuar në : 15:16 - 30/04/21 |
mapo.al

Autoritetet shëndetësore në Kosovë raportuan sot se janë shënuar njëmbëdhjetë viktima dhe 202 raste të reja me koronavirus.






Instituti Kombëtar i Shëndetësisë Publike të Kosovës bëri të ditur se nga dy raste të vdekjes u regjistruan në Ferizaj, Podujevë dhe Prishtinë dhe nga një rast në Drenas, Gjakovë, Mitrovicë, Skenderaj dhe Viti.


Rastet e reja pozitive, ndërkaq, rezultuan pas realizimit të 2,810 testimeve.







Shifra prej 202 i bie që 0.7 për qind e njerëzve të testuar, kanë dalë pozitivë.



IKSHPK-ja po ashtu njoftoi se në 24-orëshin paraprak, 646 pacientë janë shëruar nga koronavirusi.



Me shifrat e fundit, numri i përgjithshëm i rasteve pozitive në Kosovë arrin në 105,188, i viktimave në 2,173 dhe i të shëruarve në 94,174.

Raste aktive në Kosovë aktualisht janë 8,841.

Njoftimi:

646 TË SHËRUAR DHE 202 RASTE ME COVID-19!

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private me metodën RAT, janë testuar gjithsej 2.810 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 202 raste pozitive.

Lexo edhe :  Kosovë - Ulet ndjeshëm numri i të infektuarve, shifër e lartë vdekjesh

Brenda 24 orëve janë raportuar 11 raste të vdekjes me SARS CoV-2 pozitiv. Rastet e vdekjes janë nga komunat: Ferizaj 2 raste (87, 77 vjeç), Podujevë 2 raste (84, 37 vjeç), Prishtinë 2 raste (76, 64 vjeç), Drenas 1 rast (90 vjeç), Gjakovë 1 rast (79 vjeç), Mitrovicë 1 rast (78 vjeç), Skenderaj 1 rast (79 vjeç), Viti 1 rast (65 vjeç).

Numri total i rasteve pozitive është 105.188 raste nga 533.764 persona të dyshimtë në virusin SARS-CoV-2 dhe 2.173 raste të vdekjes.

Gjatë 24 orëve të fundit, janë shëruar 646 pacientë derisa numri i përgjithshëm i të shëruarve deri më sot është gjithsej 94.174 raste, kurse numri i rasteve aktive është 8.841.

Rastet pozitive janë nga komunat: Prishtinë 52 raste, Podujevë 14 raste, Skenderaj 14 raste, Mitrovicë 12 raste, Ferizaj 11 raste, Gjilan 11 raste, Prizren 9 raste, Fushë-Kosovë 8 raste, Suharekë 8 raste, Gjakovë 7 raste, Klinë 6 raste, Obiliq 6 raste, Pejë 6 raste, Drenas 5 raste, Lipjan 5 raste, Malishevë 5 raste, Vushtrri 5 raste, Rahovec 3 raste, Deçan 2 raste, Istog 2 raste, Kaçanik 2 raste, Novobërdë 2 raste, Shtime 2 raste, Viti 2 raste dhe me nga një rast komunat Graçanicë, Hani i Elezit dhe Leposaviq.

Mbuloni gojën dhe hundën me maskë!

Mbani higjienën!

Respektoni distancën!

1


Etiketa: , ,

Pas