Kryesia e Lidhjes Demokratike të Kosovës ka vendosur që kryeministri në detyrë, Avdullah Hoti, të jetë kandidat i saj për kryeministër në zgjedhjet e ardhshme të parakohshme parlamentare.
Kryetari i Lidhjes Demokratike të Kosovës, Isa Mustafa tha në një konferencë për media, pas mbledhjes së Kryesisë së LDK-së se, Hoti e ka drejtuar në mënyrë të drejtë punën e Qeverisë dhe ka treguar se ajo zbaton ligjin dhe lufton kundër krimit dhe korrupsionit.
“Qeveria e ka bërë punën mirë në mënyrë të suksesshme duke rivendosur raportet që kanë qenë përpara më SHBA-në, BE-në dhe institucionet financiare si dhe ta kthejë besimin e këtyre vendeve dhe institucioneve karshi Kosovës”, tha Mustafa.
Ai vlerësoi edhe punën e Qeverisë në luftimin e pandemisë së koronavirusit, raporton rel.
Megjithatë, Mustafa tha se do të kërkojë edhe miratimin e Këshillit të Përgjithshëm të partisë për kandidaturën e Hotit për kryeministër.
Etiketa: Avdullah Hoti, kandidat, Kosove, LDK, per kryeminister
