Zgjedhjet e përgjithshme parlamentare në Kosovë janë mbyllur sot në orën 19:00. Të gjitha qendrat e votimit janë mbyllur, mirëpo votuesit të cilët kanë qenë në radhë dhe i ka kapur ora 19:00, janë lejuar të votojnë duke shprehur vullnetin e tyre.
“Dita e zgjedhjeve ka kaluar kryesisht e qetë, me partitë të cilët kanë akuzuar njëra-tjetrën për ndërhyrje. Sikurse edhe herëve të kaluara, ka pasur persona që janë kapur duke fotografuar votën”, shkruan RTK.
Teksa orari ligjor i procesit të votimit në Kosovë ka përfunduar, nuk kanë vonuar dhe rezultateve të Exit Poll-eve të para.
Sipas Exit Poll-it të RTK dhe Institutit të Prishtinës për Studime të Opinionit Publik, PIPOS, fitues i zgjedhjeve del të jetë Lëvizja Vetëvendosje me 28.1 për qind të votave, e ndjekur nga LDK me 27.9 përqind dhe PDK me 25.8 për qind. Ndërkohë sipas REL, pjesmarrja në votime ka arritur rreth 44%.
