Komisioni Qendror i Zgjedhjeve ka dërguar për verifikim në Prokurorinë e Përgjithshme kandidatin e PD-së për Bashkinë Rrogozhinë, Ferdinand Saraçi.
Saraçi në formularin e dekriminalizimit ka deklaruar se në vitin 1999 është dënuar nga gjykata italiane me 4 muaj burg dhe 100 mijë lira gjobë për armëmbajtje pa leje në banesë.
KQZ ka kërkuar nga Prokuroria informacion më të detajuar edhe për çështje të tjera ku mund të jetë përfshirë Ferdinand Saraçi.
Këtë të shtunë nisi fushata për zgjedhjet e pjesshme vendore të 6 Marsit në bashkitë Durrës, Shkodër, Dibër, Vorë, Lushnjë dhe Rrogozhinë.
