Aktualitet

Kreu i OBSH parashikon mbi 100,000 viktima deri në mbyllje të Lojrave Olimpike














Bëni LIKE faqen zyrtare në Facebook
               Publikuar në : 15:15 - 21/07/21 |
mapo.al

Lojërat Olimpike do të vazhdojnë sipas planit në kryeqytetin e Japonisë, Tokio, dhe Organizata Botërore e Shëndetësisë e ndezi “dritën jeshile”, veçse i rezervoi vetes të drejtën për t’i anuluar në minutën e fundit.






Shqetësimi është i madh sepse mbi 70 raste me Covid janë identifikuar në Fshatin Olimpik, ku ende nuk kanë arritur të gjithë sportistët, ndërsa situata vështirë se do të jetë plotësisht nën kontroll.


Olimpiada nis të premten pasi u shty për një vit për shkak të pandemisë, ndërsa Japonia po kalon një tjetër valë të koronavirusit, dhe vendosi të ndalonte të gjithë tifozët nëpër ndeshje.





Kreu i Organizatës, Tedros Adhanom Gebrejesus, që mbajti një fjalim në Komitetin Olimpik Ndërkombëtar, theksoi rrezikun e madh që po kalon bota për shkak të koronavirusit.

Lexo edhe :  Frika nga varianti 'Delta', OBSH jep “Ok” për zhvillimin e Lojërave Olimpike


“Pandemia është një test në të cilin bota po dështon, – tha Gebrejesusi, – më shumë se 4 milionë njerëz kanë vdekur deri tani dhe vazhdojnë të vdesin. Këtë vit, shifrat janë dyfishi i vjetshëm. Derisa unë të përfundoj këtë fjalim, mbi 100 njerëz do të vdesin, dhe derisa të shuhet flaka olimpike në 8 gusht, më shumë se 100 000 njerëz do të shuhen”.



Rastet e reja ditore në rajonin metropolitan të Tokios janë mbi 1,000 në ditë, ndërsa në Japoni kanë humbur jetën deri tani mbi 15,000 njerëz. Rreth 11,500 sportistë pritet të garojnë në Lojrat Olimpike, si përfaqësues të 205 vendeve të ndryshme.

LEXO EDHE:

Frika nga varianti ‘Delta’, OBSH jep “Ok” për zhvillimin e Lojërave Olimpike

113


Etiketa: ,

Pas