Aktualitet

Krimet brenda familjes kanë tronditur vendin, 11 viktima nga janari














Bëni LIKE faqen zyrtare në Facebook
               Publikuar në : 16:02 - 07/06/21 |
mapo.al

Krimet në familje janë kthyer në një fenomen shqetësues krahas vrasjeve mafioze që kanë tronditur vendin muajt e fundit. Në gati 5 muaj janë regjistruar 8 raste të krimit brenda familjes me 11 viktima.






Me 1 janar u regjistrua edhe vrasja e parë. Klajdi Shundi pasi kishte festuar natën e vitit të ri në familjen e motrës, pas një konflikti të çastit në dalje të banesës së tij goditi më thikë kunatin e tij Vladimir Zvezdës dhe si pasojë e plagëve të marra ai humbi jetën.


Më 5 Mars Erdis Rapi 25 vjeç goditi me sende të forta babin e tij Dhori Rapi duke e lenë pa shenja jete në qytetin e Fierit. Babë e bir vuanin nga probleme të shëndetit mendor dhe kuroheshin prej vitesh. Motivet e ngjarjes së rëndë nuk dihen ende, megjithatë dyshohet se është shkaktuar nga një konflikt çastit.







Përsëri në Fier në datën 17 Mars Demokrat Medinaj goditi plot 31 herë më thikë bashkëshorten e tij Irvana Hyka duke e lënë të vdekur në vend. Ngjarja u bë akoma më makabër pasi u mësuar se e reja ishte në muajin e 6 të shtatzënisë.



Pas ngjarjes Demokrat Medianj u arratis, por më pas u gjet i vdekur.



Mëngjesin e 10 prillit çifti i bashkëshortëve Bilbil dhe Fëllënza Shirja ishin në proces divorci kur burri rrëmbeu gruan.

Ndarja nuk pranohej nga Bilbli dhe ky i fundit vendosi që mëngjesin e datës 10 prill të rrëmbente me forcë Fëllënza Shirjën duke e dërguar në fshatin Maksut të Kavajës. Për disa kohë ai e mbajti peng dhe më pas e lidhi brenda makinës dhe i vendosi flakën. Pasi pa që gruaja e tij kishte ndërruar jetë ai vrau

44 vjeçarja Miranda Markja vrau me thikë vjehrrën 74 vjeçare në banesën e familjes në fshatin Burim të Maqellarës. Sipas policisë ajo qëlloi disa herë me thikë të moshuarën Nazmije Markja duke i shkaktuar vdekjen. Miranda Markja para policisë ka pranuar krimin duke dëshmuar se kishte pasur konflikte të vazhdueshme me vjehrrën.

Lexo edhe :  “Camorra” ekzekuton 35-vjeçarin në mes të Napolit

Në Dibër më 29 prill vëllai vrau vëllain. Flori Tonuzi 26 vjeç nga fshati Allabegi pas një konflikti për motive të dobëta , ka goditur me thikë vëllanë Benard Tonuzin 23 vjeç.

23-vjeçari është dërguar menjëherë në spital, por nuk ka mundur t’u shpëtojë plagëve të marra, ku edhe ka ndërruar jetë. Pas ngjarjes autori u arratis por vetëm pak orë zgjati pasi policia e arrestoi atë.

Liljana Buzo 54 vjeç sapo kishte dalë nga ambientet e Gjykatës së shkallës së parë në Elbasan pasi prej kohesh kishte nisur një proces divorci kundrejt bashkëshortit.

Duke dalë nga Gjykata ajo ndeshet me burrin e saj Koço Buzo i cili e qëllon pa mëshirë duke e lënë të vdekur në vend. Policia arrestoi menjëherë autorin e ngjarjes, teksa nga të shtënat mbetën të plagosur edhe 2 persona të tjerë.

Ne Gjykatën Civile të Tiranës më datën 4 qershor në orën 12:00 do të zhvillohej seanca e 5 gjyqësorë për zgjidhjen e martesës mes çiftit të bashkëshortëve Kudret dhe Dhurata Salia. Por vetëm pak minuta para hyrjes në institucionin e drejtësisë Mexhit Picari babai i Dhurata Saliaj do të qëllonte për vdekje ish dhëndrin e tij. 1 nga plumbat kapi edhe avokatin Adriatik Cama i cili ndodhet jashtë rrezikut për jetën. Për ngjarjen policia arrestoi Mexhit Picarin si dhe ish gruan e viktimës Dhurata Saliaj ku i akuzon për 4 vepra penale.

Një krim makabër do të regjistrohej në Shkodër. Fabian Vuka ka vrarë më armë zjarri motrën e tij Diana Vuka e cila pak ditë më parë ishte kthyer nga Gjermania. Policia pas hetimeve rezultoi se trupi i pa jete ishte lënë në banesë për gati 3 ditë. Në pranga përfundoi Fabian Vuka i cili rezulton me precedent penal dhe i dënuar më 10 vite burgim për një tentativë vrasje në Shkodër./ Ora News

1


Etiketa: , , , ,

CLOSE
CLOSE
Pas