Aktualitet

Krimi lan hesapet – 30 të vrarë që nga Janari, 12 ekzekutime mafioze














Bëni LIKE faqen zyrtare në Facebook
               Publikuar në : 17:35 - 03/06/21 |
mapo.al

Situata e përkeqësuar e kriminalitetit gjatë muajve të fundit ka shënuar 30 vrasje që nga janari.






Nga kjo shifër 12 prej këtyre krimeve kundër personit dyshohen të kenë ndodhur nga vrasës më pagesë dhe shumica prej tyre kanë mbetur të pa zbardhura pasi autorët kanë vepruar në perfeksion duke mos lënë asnjë provë.


Numri në rritje e atentateve mafioze të mbetura pa autor duket se po dëshmon fuqizimin dhe sofistikimin e krimit në vend. Në 5 muaj e parë të vitit 2021 janë regjistruar 30 viktima, ku pjesa më e madhe janë atentate mafioze nga vrasës më pagesë.







Vrasja e fundit e këtij lloji la pas një viktimë të moshës 42- vjeçare, i identifikuar si Shkëlzen Velaj në qytetin e Vlorës.



Ky qark muajve të fundit është kthyer në një arenë të larjes së hesapeve nga personat e përfshirë në botën e krimit.



Një tjetër atentat i pa zbardhur është vrasja e Delon Troqes, e ndodhur 2 javë më parë po në qytetin e Vlorës. Nga pamjet e transmetuara në media, autorët lëvizin qetësisht dhe nga sedilja e pasme zbrasin karikatorin, duke lënë të vdekur shënjestrën e tyre.

Ndërkohë një tjetër krim mafioz tronditi Durrësin. Ish-anëtari i bandës së këtij qyteti Edmond Koçi, i njohur me nofkën “Mond Çekiçi”, u ekzekutua mëngjesin e 20 marsit ndërkohë që ngjarja ka mbetur pa autor.

Mbrëmjen e 4 prillit, në Shkodër u vra Bardhok Pllanaj, 46 vjeç, i cilësuar si një nga të paprekshmit e qytetit. Ngjarja vijon të jetë e pa zbardhur ndërkohë që autorët kishin përdorur disa armë e automjete.

Në 21 prill në Elbasan, në lagjen “5 Maji” do të vritej Pjerin Xhuvani, i njohur në qytet por jo vetëm si mbështetës i një force politike. Për ngjarjen u arrestuan me disa persona por vetëm njëri prej tyre tashmë ndodhet në qeli.

Në Vlorë, Bledar Birçaj, i sapo kthyer nga Spanja po shëtiste në qytetin bregdetar më makinën e tij së bashku më një oficer të Antidrogës kur 2 persona i zunë pritë dhe e qëlluan me breshëri armësh.

LEXO EDHE: 

“O ma, hape derën”-Shkëlzen Velajt i ranë çelësat nga duart, thirri disa herë

1


Etiketa: , , , , ,

Pas