Dietologia Blerina Bombaj poston nga hera në profilin e saj në “Instagram” gjëra që janë me interes për ndjekësit, për një jetë sa më të shëndetshme. Por jo vetëm kaq. Ajo publikon gjithashtu selfie pa filtra, ku shihet pa makiazh, tërësisht natyrale. Mirëpo, një ndjekëse duket se nuk e aprovon këtë vendim të Bombajt. Kjo e fundit nuk ka ngurruar t’i kthehet.
“Të lutem, e di që do të transmetosh thjeshtësinë, por duke qenë person publik pak më e kujdesur për pamjen. Gjithsesi është e drejta juaj për çdo gjë, më falni për sugjerimin”- ka shkruar ndjekësja.
“Cila është pakujdesia? Mund të më thuash? Mos jam gjë me flokë pakrehur, palyer? Me sy me sklepa? Tualet të papastruar? Veshur me pizhame? Aman, më trego se ndoshta jam prapa bote. Dmth, qëkur të mos trukohesh me shumicë quhet pakujdesi?!”-ka shkruar Blerina Bombaj.
