Turizmi është një nga sektorët i cili do të shtrenjtojë të paktën 50% shërbimet që do të ofrojë për turistët e huaj apo ata vendas.
Kjo është e ndikuar nga kriza e rritjes së çmimeve, thekson kreu i Unionit Turistik, Rrahman Kasa.
Kjo pritet të ndikojë në uljen e numrit të pushuesve këtë vit.
Shqiptarët do të udhëtojnë më shumë jashtë vendit për pushime gjatë këtij viti.
Gjithashtu ai thotë se edhe paketat turistike në vendet e tjera kanë pësuar një shtrenjtim të konsiderueshëm.
Të vetmit që do të shpëtojnë nga shtrenjtimi i çmimeve janë ata që i kanë parapaguar pushimet që vitin e kaluar pasi në këtë rast operatorët turistikë e kanë të pamundur që të kërkojnë rishikim të kontratës.
