Sport

Kriza në Shkodër, Vllaznia bojkoton stërvitjen, tre muaj pa paga





Bëni LIKE faqen zyrtare në Facebook
               Publikuar në : 09:00 - 22/05/20 |
mapo.al

Futbollistë te Vllaznisë bojkotojnë stërvitjen, për shkak të pagave të prapambetura. Ekipi nuk paguhet prej tre muajsh dhe lojtarët kishin njoftuar drejtuesit e klubit se nëse situata nuk përmirësohej, do të ndërmerrnin hapin ekstrem, duke refuzuar të dilnin në stërvitje.


Për të qetësuar situatën, nuk mjaftoi as takimi që futbollistët zhvilluan me administratorin e klubit, Suad Lici. Drejtuesi provoi t’u sqaronte problematikat dhe premtoi se brenda dhjetë ditëve, çdo problem do të zgjidhej.


Suad Lici

“Nuk është problematikë e re, jemi të detyruar të respektojmë ligjet  e shtetit shqiptar, pasi nuk janë miratuar bilancet, kështu qe jemi të bllokuar. Pandemia ka bërë të vetën, nuk mund të paguajmë një punë të pabërë, e kam bërë të qartë lojtarëve”, deklaroi administratori i Vllaznisë, Suad Lici.


Pas takimit, lojtarët u mblodhën në dhomat e zhveshjes, ku morën vendimin të mos dilnin në stërvitje.


Gilman Lika

“Është vendim që e morëm të gjithë çunat bashkë, jemi 4 muaj që nuk paguhemi. Është bërë e pamundur të flitet për futboll në këtë pikë”, tha kapiteni i ekipit shkodran, Gilman Lika.

Bojkoti, kur kanë mbetur më pak se dy javë nga data e caktuar për rifillimin e kampionatit, rrezikon sezonin e Vllaznisë, me ekipin që mund të përfaqësohet nga futbollistët 19-vjeçarë të Akademisë, në ndeshjen e parë ndaj Flamurtarit.


Etiketa: , ,

CLOSE
CLOSE
Pas