Një 39-vjeçar, Ndriçim Asllani është kapur nga policia në Krujë teksa po ujiste bimët narkotike së bashku me një shok të tij.
Ditën e djeshme policia e shtetit së bashku me Guardia di Finanza zhvilluan një aksion me dron dhe helikopter për të monitorura vendet më problematike për kultivimin e kanabisit.
Aksioni u zhvillua në Bruz Zall dhe në pranga me Asllanin ra dhe Skënder Hoxha 45-vjeç.
Njoftimi i policisë:
Finalizohet operacioni policor i koduar “Bruz Zalli”, për goditjen e veprimtarisë kriminale në fushën e kultivimit të bimëve narkotike.
Operacioni, nga Komisariati i Policisë Krujë.
Evidentohet nga droni duke ujitur bimët e dyshuara narkotike, kapet dhe arrestohet në flagrancë 45-vjeçari.
Në pranga edhe një 39-vjeçar, i dyshuar si bashkëpunëtor i 45-vjeçarit.
Gjatë kontrollit sekuestrohet edhe një sasi lënde narkotike kanabis, në formë boçesh.
Asgjësohen me anë të djegies 62 bimë të dyshuara narkotike cannabis sativa.
Në vijim të kontrollit masiv të territorit, bazuar dhe në informacionet e marra në rrugë operative se në territotin e fshatit Rranze, kishte të kultivuara bimë narkotike, shërbimet e Policisë Krujë kanë organizuar operacionin policor të koduar “Bruz Zalli”, duke përdorur edhe dronë për kontrollin e territorit.
Si rezultat i monitorimit me dron, në zonën e quajtur “Bruz Zall”, është evidentuar duke ujitur bimët e dyshuara narkotike, shtetasi S. H., i cili sapo ka parë dronin ka tentuar të fshihet, por është kapur në flagrancë nga shërbimet e Policisë.
Gjatë kontrollit fizik, këtij shtetasi iu gjet një qese me lëndë narkotike në formë boçesh, që ia kishte dhënë shtetasi N. A., banues në fshatin Rranze, bashkëpunëtor në këtë veprimtari kriminale.
Në përfundim të veprimeve procedurale u bë arrestuan në flagrancë shtetasit S. H., 45 vjeç dhe N. A., 39 vjeç, banues në Rranze, për veprat penale “Kultivimi i bimëve narkotike” dhe “Prodhimi dhe shitja e narkotikëve”, e kryer në bashkëpunim.