Aktualitet

Kthyen banesën në “shtëpi bari”, tre në kërkim, arrestohen dy elektriçistë














Bëni LIKE faqen zyrtare në Facebook
               Publikuar në : 11:23 - 20/06/21 |
mapo.al

SHIJAK – Goditet një tjetër rast i tentativës për kultivim të bimëve narkotike brenda në shtëpi. Këtë herë operacioni është zhvilluar në Shijak, ndërsa në kërkim janë shpallur 3 kultivues droge.






Ndërkohë policia e Durrësit ka arrestuar 2 punonjës të OSHEE, pasi nuk konstatuan vjedhjen e energjisë elektrike. Në pranga kanë rënë E. S., 39 vjeç dhe Xh. I., 25 vjeç, banues në Shetel dhe Romanat, me detyrë faturist dhe elektiçist pranë OSHEE-së.


Në kërkim është shpallur edhe një elektriçist i tretë, I.G, 40 vjeç, banues në Hardhishtë, Shijak, pasi dyshohet se është bashkëautor në kultivimin e bimëve narkotike.







Dy personat e tjerë të shpallur në kërkim dyshohet se janë kultivuesit e lëndës narkotike, V.G, 32 vjeç dhe A.D, 27 vjeç, të dy banues në Hardhishtë, Shijak.




“Këta shtetas në bashkëpunim me njëri-tjetrin, kanë përshtatur banesën me aparatura që shërbejnë për kultivimin e bimëve narkotike, dhe kanë ndërhyrë në matësin e energjisë elektrike”, njofton policia.



NJOFTIMI I POLICISË
Arrestohen në flagrancë 2 punonjës të OSHEE, pasi nuk konstatuan vjedhjen e energjisë elektrike.

Në vijim të kontrolleve të pandërprera dhe punës për parandalimin e kultivimit të bimëve narkotike, në bazë të informacioneve të marra në rrugë operative, specialistët për Hetimin e Krimeve në Komisariatin e Policisë Shijak, bënë shpalljen në kërkim për veprat penale “Kultivim të bimëve narlotike”, “Shpërdorim detyre” dhe “Vjedhje të energjisë elektrike”, të shtetasëve:

V. G., 32 vjeç, A. D. (G)., 27 vjeç, të dy banues në Hardhishtë, Shijak.

Gjithashtu është shpallur në kërkim shtetasi I. G., 40 vjeç, banues në Hardhishtë, Shijak, me detyrë elektricist pranë OSHEE-së, pasi dyshohet se është bashkautor në kultivimin e bimëve narkotike.

Shpallja në kërkim e këtyre shtetasve u bë pasi gjatë kontrollit të ushtruar nga shërbimet e Policisë në banesën e shtetasit A.D.(G)., në fshatin Hardhishtë, dyshohet se këta shtetas në bashkëpunim me njëri-tjetrin, kanë përshtatur banesën me aparatura që shërbejnë për kultivimin e bimëve narkotike, dhe kanë ndërhyrë në matësin e energjisë elektrike.

Në cilësinë e provës materiale u sekuestruan bimë të lëndës narkotike canabis sativa dhe paisjeve që shërbenin për kultivimin e tyre.

Në vijim të veprimeve u arrestuan në flagrancë për veprën penale “Shpërdorim detyre”, shtetasit E. S., 39 vjeç dhe Xh. I., 25 vjeç, banues në Shetel dhe Romanat, me detyrë faturist dhe elektiçist pranë OSHEE-së.

Të dy këta shtetas, në kundërshtim me ligjin nuk kanë përmbushur detyrën (duke mos kontrrolluar linjën elektrike, si dhe matësin e energjisë elektrike).

Materialet i kaluan Prokurorisë së Rrethit Gjyqësor Durrës, për veprime të mëtejshme.

1


Etiketa: , , ,

Pas