Aktualitet

Kultivuan kanabis në pyll, arrestohen tre të rinjtë në Tepelenë





Bëni LIKE faqen zyrtare në Facebook
               Publikuar në : 09:24 - 21/06/20 |
mapo.al

Tre persona janë arrestuar nga policia mëngjesin e sotëm në Tepelenë nën akuzën e kultivimit të narkotikëve. Sipas burimeve zyrtare, arrestimi i K.M., Sh.K., dhe M.K., u krye në kuadër të operacionit të koduar “Kobuz”.


Bëhet me dije se personat në fjalë, në një zonë të pyllëzuar në Kurvelesh, kishin kultivuar 92 fidanë kanabisi.


Në cilësinë e provës material, raportohet se policia ka sekuestruar një automjet, 4 aparate celularë dhe sende të tjera që përdoreshin nga kultivuesit e drogës.


Njoftimi i Policisë:


Tepelenë.

Vijon kontrolli intensiv i  territorit për parandalimin e kultivimit të bimëve narkotike.

Finalizohet me sukses operacioni policor i koduar “Kobuz”.

Vihen në pranga 3 shtetas.

Shërbimet e komisariatit të policisë Tepelenë dhe ato të DVP Gjirokastër nën drejtimin e Prokurorisë Pranë Gjykatës së Shkallës së Parë Gjirokastër, në bazë të informacioneve të siguruara në rrugë operative dhe kontrollit të territorit, si dhe pas një hetimi disa javor, finalizuan me sukses operacionin “Kobuz”.

Si rezultat i operacionit u vunë në pranga shtetasit K. M., 29 vjeç banues në Memaliaj; Sh. K., 18 vjeç dhe M. K., 24 vjeç banues në fshatin Salari, Tepelenë.

Arrestimi i tyre u bë pasi nga tërësia e veprimeve hetimore dhe policore, u bë e mundur dokumentimi i veprimtarisë kriminale të kryer nga këta shtetas në drejtim të tentativës për të kultivuar  kanabis.

Këta shtetas në bashkëpunim me njeri – tjetrin në vendin e quajtur Kobuz , në një zonë të fshatit Gusmar të  Njësisë Administrative Kurvelesh, një një zonë  të pyllëzuar, kishin kultivuar  92 fidanë narkotikë kanabis.

Policia gjeti dhe sekuestroi në cilësinë e provës materiale  një automjet që përdorej nga këta shtetas, katër aparate celular dhe sende të tjera.

Kontrolli i territorit  do vijojë pandërprerë me qëllim evidentimin, parandalimin dhe goditjen e cdo tentative për kultivim të bimëve narkotike.

Materialet në ngarkim të shtetasve të mësipërm i kaluan Prokurorisë së Rrethit Gjyqësor Gjirokastër, për veprime të mëtejshme.


Etiketa: , , ,

Pas