Edhe pse policia ka shpallur në kërkim Ibrahim Licin, për vrasjen e 32-vjeçarit Endri Mustafa, bashkëshortja e këtij të fundit, Ingridi, shprehet se me familjen e Licëve nuk kanë pasur kurrë probleme. Ajo ka thënë se është 100% e sigurt se nuk i ka ardhur vrasja e bashkëshortit nga fisi i Licëve
Më tej, në një prononcim për mediat ajo ka zbuluar edhe se çfarë i kishte kërkuar 15-vjeçari i shpallur në kërkim, bashkëshortit të saj. Ingrid Mustafa thotë se Endri nuk ka pasur asnjë konflikt me askënd.
“Nuk kemi patur kurrë asnjë problem me familjen Lici. Burri im ka qenë shok me djemtë e tij. Une e kam thënë edhe në polici se Ibrahim Lici nuk ka lidhje me vrasjen dhe habitem si e kane nxjerrë sepse nuk ka asnje lidhje dhe jemi 100% të sigurtë se nuk ka ndodhur nga Ibrahimi.
I kemi komshi dhe nuk kemi patur kurrë asnjë problem me ata. Atë natë në 10 të darkës Endri kërkoi të dilte nga banesa dhe me tha me jep një xhakovento dhe me tha po shkoj deri në livadhe dhe po vij për 10 minuta, nuk po vonoj tha.
Unë i thashë të lutem mos dil se është natë por më tha nuk vonoj dhe vij menjëherë. Doli me këtë djalin komshi 15 vjeç, ai po e kërkonte që nga mesdita. I kishte bërë disa muhabete 15 vjeçari por nga qe ishte në atë moshë nuk ia kemi vëne veshin dhe i thash mos u merr me të sepse e njihnim çfarë fëmije është dhe se me kë merrej ai.
Burri e anashkaloi atë dhe iku në 10 të darkës dhe nuk u kthye më. Nuk më ka thënë se as se për çfarë po shkonte dhe as se çfarë do bënte.
Nuk e di arsyen e vrasjes sepse Endri nuk ka patur asnjë konflikt me askend dhe nuk i ka bërë askujt keq. As nuk ka patur kërcenime dhe as nuk ka kërcënuar kënd. Ai 15 vjeçari erdhi për qejf dhe kaq sepse Endri nuk ka dalë jashtë sepse nuk kishte besim tek askush.
15-vjeçari i ka thënë burrit që nuk po të shkruaj mesazhe por dije qe kur të dergoj një fotografi të një kali dil jashtë. Një djalë 15 vjeç të shprehet ashtu se di, dikush është pas tij sepse nuk kemi patur konflikt as me të. Qe kjo ka lidhje me Lict nuk është e vërtetë dhe unë e kam deklaruar edhe në polici sepse kemi shkuar shumë mirë.”-shprehet bashkëshortja e Endri Mustafës.
LEXO EDHE:
I biri në kërkim për vrasjen e të riut, Mustafa Lici akuzon Bajrajt dhe Bilalin
