Kryeministri i Kosovës Albin Kurti dhe presidenti i Serbisë Aleksandar Vuçiç janë bashkuar në një darke jo formale pas takimit në Berlin. Në darkë me ta ndodhej edhe përfaqësuesi i Bashkimit Europian për dialogun Brishtinë-Beograd, Maroslav Lajçak.
Lajçak, me anë të një postimi në Twitter, bëri të ditur se dialogu mes dy shteteve do të vijojë në nivel krye-negociatorësh më 13 maj.
Postimi është shoqëruar edhe me një foto nga darka.
Kryeministri i Kosovës shfaqet i buzëqeshur, ndërsa presidenti Vuçiç i ngrysur.
“E mirëpritëm mundësinë për një darkë joformale diskutimi rreth Dialogut me kryeministrin Kurti dhe presidentin Vuçiq në Berlin. Mirënjohës ndaj qeverisë gjermane për pritjen. Ne do të vazhdojmë diskutimin në nivel të kryenegociatorëve më 13 maj”, shkroi Lajcak.
Darka po zhvillohet në Berlin, pas takimit që Kurti edhe Vuçiç patën kancelarin gjerman Olaf Scholz.