Një efektiv i forcave “Shqiponja” ka parandaluar një vrasje të dyfishtë të mundshme në Tiranë. Ai i ka vënë pranga një 39-vjeçar, pasi ky i fundit pranë Yzberishtit, po tentonte që të përplaste me makinën e tij një çift bashkëshortësh
Efektivi i “Shqiponjave”, Shkëlzen Tafa
Ngjarja e pazakontë ndodhi në bulevardin “Migjeni”. Bëhet me dije se i arrestuari është Taulant Mekollari 39-vjeç. Ai ka tentuar të shtypë me makinë, G. M 36-vjeç dhe bashkëshorten e tij.
Sapo ka parë incidentin në fjalë dhe përshkallëzimin e situatës, efektivi i “Shqiponjave” Shkëlzen Tafa është afruar dhe ka nxjerrë armën për të neutralizuar Taulant Mekollarin i cili vijonte të ishte në makinë duke tentuar të shtypë G.M.
Më pas, në ndihmë të punonjësit të “Shqiponjave” kanë mbërritur edhe shërbimet e Komisariatit të Policisë Nr. 6, të cilët kanë bërë të mundur prangosjen e Taultan Mekollarit.
Falë ndërhyrjes së efektivit të “Shqiponjave”, në kohë është bërë i mundur parandalimi i përshkallëzimit të mëtejshëm të konfliktit që mund të përfundonte në një vrasje të dyfishtë.
Nga hetimet e kryera ka rezultuar se Taultan Mekollari dhe G. M. fillimisht kishin debatuar për motive të dobëta në rrugën “Besim Alla” dhe pas disa minutash, tek bulevardi “Migjeni” ishin konfliktuar përsëri me grushte me njëri-tjetrin.
Pas konfliktit, Taulant Mekollari ka marrë mjetin e tij dhe ka tentuar dy herë të godiste me mjet G. M. dhe bashkëshorten e tij, por pasi nuk ia ka arritur qëllimit, ka dëmtuar më pas mjetin e çiftit të bashkëshortëve.
Taulant Mekollari me xhup të kuq
Në përfundim të veprimeve të policisë, u bë arrestimi në flagrancë i Taulant Mekollarit, 39 vjeç, për veprat penale “Vrasja” e mbetur në tentativë”, “Shkatërrim i pronës me dashje ‘’dhe’’ Plagosja e lehtë me dashje’’. Si dhe u procedua në gjendje të lirë G. M., 36 vjeç, për veprën penale “Plagosja e lehtë me dashje’’.