Përcaktohet trupa gjyqësore që do të gjykojë ish-ministrin e Brendshëm Saimir Tahiri. Gazeta Mapo mëson se 3 gjyqtarë do të jenë: Ardit Mustafaj, Flora Hajredinaj, Irena Gjoka. Janë të 3 gjyqtarë të Krimeve të Rënda, që pritet të vendosin nëse Saimir Tahiri është fajtor për akuzat e trafikut të drogës dhe grupit të strukturuar kriminal, apo do ta shpallin të pafajshëm.
Seancat ndaj Saimir Tahirit pritet të nisin javën e ardhshme, ku ish-ministri i Brendshëm ka kërkuar gjykim të shkurtuar, po pa pranuar fajësinë.
“Sot dhe tutje do të flas edhe unë. Në Gjykatë dhe për publikun. Nuk mund të jetë më një proces ku provat e ashtuquajtura trafikohen…Unë di t’ju them që ky proces i ka kapërcyer kufijtë e një maskarade. Unë nuk mërzitem dhe nuk më shqetëson asgjë nga këto. Them që do t’ia dal! E dyshoj shumë fort që ky është sistemi i drejtësisë për të cilën unë luftova. Por gjithsesi mbetet për t’u parë. E gjitha është një absurditet. Unë i drejtohem Prokurorisë dhe Gjykatës të më thonë se ku kam shkelur ligjin dhe nuk më thonë asgjë”, – u shpreh Tahiri menjëherë sapo doli nga Gjykata e Krimeve të Rënda pak ditë më parë.
Lexo edhe:
“I pandehur”, Tahiri shfaqet i emocionuar: S’kam vrarë askënd