Dalin në media fotot e katër të arrestuarve për ekzekutimin e Behar Sofisë më 25 shkurt të këtij viti, në qendër të Tiranës.
Më poshtë shihet portreti i Ernejt Shytit, 23-vjeçarit që u arrestua javën e kaluar në aeroportin e Malit të Zi teksa shtronte pllaka, si dhe portreti i tre personave të tjerë: Xhuljano Visha, Leonard Xhixha dhe Skënder Vathi.
Ky i fundit, sipas dëshmisë së Shytit, është organizatori i vrasjes së Sofisë që i kishte premtuar të riut 50 mijë euro porsa porosia të zbatohej.
Ernejt Shyti e ka pranuar autorësinë e krimit, ndërsa tre të arrestuarit e tjerë nuk i kanë pranuar akuzat.
Xhuljano Visha ka pohuar në seancën e djeshme se, ato që ka thënë më herët për autoritetet nuk janë të vërteta.
“Kur ka ndodhur ngjarja kam qenë në Kërrabë”, – mësohet të ketë thënë Visha, mbi të cilin rëndon akuza për “Vrasje me dashje e kryer në Bashkëpunim”.
Shyti është personi që shkrepi armën dhe la të vdekur biznesmenin 66-vjeçar pranë Katedrales, buzë lumit Lana, në kryeqytet.
Risjellim në vëmendje se Gjykata gëzon prova të forta, si përgjigjet e ADN-së së Shytit, sekuencat filmike të marra nga kamerat e sigurisë, si dhe përgjimet e Prokurorisë.
Sipas radhës: Leonard Xhixha, Skënder Vëthi, Xhuljano Visha dhe Ernejt Shyti
