Aktualitet

Kush janë të dënuarit për vrasje dhe vjedhje, që OFL u kërkon deklarimin e pasurive (EMRAT)





Bëni LIKE faqen zyrtare në Facebook
               Publikuar në : 13:38 - 26/06/20 |
mapo.al

OFL u ka dërguar formularët me shkrim tre personave të dënuar për vrasje me paramendim dhe vjedhje, të cilët duhet të deklarojnë pasuritë.


Ata janë:


Mario Meshini, banues në Tiranë, i cili është dënuar për veprën penale “Vrasja me paramendim”;


Indrit Doçi, banues në Tiranë, i dënuar për veprën penale “Vjedhja me dhunë, e kryer në bashkëpunim”;


Ernest Doda, banues në Tiranë, i dënuar për veprën penale “Vjedhja me armë, e kryer në bashkëpunim”.

Të tre këta persona duhet t’i përgjigjen kërkesës së OFL brenda 48 orëve. Më pas, përgjigjet do t’i dërgohen SPAK-ut për veprime të mëtejshme.

Njoftimi i plotë:

OFL, 26 qershor

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

M.M., banues në Tiranë, për të cilin Gjykata e Rrethit Gjyqësor Tiranë ka caktuar masën e sigurisë “Arrest në burg”, për veprën penale “Vrasja me paramendim”;

I.D., banues në Tiranë, i dënuar nga Gjykata e Rrethit Gjyqësor Tiranë, për veprën penale “Vjedhja me dhunë, e kryer në bashkëpunim”;

E.D., banues në Tiranë, i dënuar nga Gjykata e Rrethit Gjyqësor Tiranë, për veprën penale “Vjedhja me armë, e kryer në bashkëpunim”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.


Etiketa:

Pas