Sizmiologu Edmond Dushi i ftuar në Publikisht në RTSH ka folur për zonat më rrezik të lartë sizmik në vendin tonë. Ai u shpreh se më pak e rrezikuar është zona verilindore e vendit ndërsa më të spikatura janë ato bregdetare.
“Zonat e rrezikut në Shqipëri. I gjithë territori shqiptar ka një rrezik të spikatur. Përveç zonës verilindore të vendit. Zonat jugperëndimore është zonë e kuqe. Para tre vjetësh kishim tërmet në Janinë që u ndje fort në Sarandë.
Tërmeti është një dukuri që nuk ka kufi. Sa i përket zonave sizmike, më të spikaturat janë zonat bregdetare që përkojnë me zonat më të urbanizuara. Sepse janë direkt në ballin e konfrontimit tektonik. Edhe zonat e brendshme kanë rrezikun e vet. Zonat më perëndimore të vendit janë më problematike sepse janë zonat më të urbanizuara”, u shpreh Dushi.
Dushi theksoi se është deshifruar struktura në Durrës për të analizuar shkaku dhe pasojat e tërmetit të 26 nëntorit.
Sipas Dushit, tashmë ligji i ri për emergjencat civile detyron ndërtuesit të pajisen me vërtetimin e riskut.
“Aktualisht instituti i gjeoshkencave i studion vazhdimisht lëkundjet sizmike. Dje kemi realizuar një punë, për hartat e rrezikut sizmik. Ky është një hap i domosdoshëm. Pasi ato që janë në fuqi lënë për të dëshiruar. Duhet një revolucion që duhet të fillojë nga ndërtuesit. Detyra jonë është të garantojnë anekset për adaptuar eurokodet.
Pas tërmetit detyra jonë ka qenë të reagojmë. Jemi përfshirë në një sërë studimesh. E para kemi arritur të deshifrojmë strukturën në Durrës. Kemi bërë një mikrozonim të shpejtë sizmik në zonën e Durrësit. Është hartuar një ligj i ri për emergjencat civile që përfshin brenda vërtetimin e rriskut. Nuk ka një disiplinë. Jo të gjithë i zbatojnë si duhet. Për të bërë një studim duhet të marrësh vërtetimin e rriskut”, u shpreh Dushi.
