Aktualitet

Kuvendi i Kosovës- Tensione e përplasje mes deputetëve dhe ministrave














Bëni LIKE faqen zyrtare në Facebook
               Publikuar në : 12:57 - 06/05/21 |
mapo.al

Seanca e Kuvendit të Kosovës është ndërprerë pasi disa nga deputetët e Partisë Demokratike të Kosovës, janë përplasur me ministrin e Bujqësisë, Faton Peci si dhe disa deputetë të Lëvizjes Vetëvendosje.






Para se të ndodhte incidenti, deputetët e PDK-së u larguan nga salla e Kuvendit me arsyetimin se nënkryetarja e Kuvendit të Kosovës, Saranda Bogujevci ishte duke e degjeneruar seancën.


Derisa deputetët e PDK-së po largoheshin nga salla, deputetët Memli Krasniqi dhe Ardian Kastrati u fjalosën me ministrin e Bujqësisë, Faton Peci. Në këtë fjalosje u përfshi edhe ministrja e Arsimit, Arbërie Nagavci si dhe disa deputetë të Lëvizjes Vetëvendosje, përfshirë Salih Zybën dhe Besim Muzaqin.





Fjalosjes i parapriu një debat i ashpër në mes të deputetëve të opozitës si dhe të atyre nga radhët e Vetëvendosjes. Vërejtje për udhëheqjen e seancës patën edhe deputetët e Lidhjes Demokratike të Kosovës, të cilët e lëshuan sallën.

Lexo edhe :  “Mprehni sfurqet”, “Izolojini”- Deklaratat që PS pretendon si provë në shkarkimin e Metës


Në seancën e 6 majit ishte planifikuar që të shqyrtoheshin rekomandimet e Komisionit për Ekonomi, Industri, Ndërmarrësi dhe Tregti në lidhje me kërkesën e Operatorit të Sistemit, Transmisionit dhe Tregut të Energjisë Elektrike të Kosovës (KOSTT) për sigurimin e mjeteve financiare për mbulimin e humbjeve në pjesën veriore të Kosovës./REL/


5


Etiketa: , ,

CLOSE
CLOSE
Pas