COVID-19 i merr jetën mamasë së trajnerit të Manchester City, Pep Guardiola. Ajo ka ndërruar jetë në një nga spitalet e Barcelonës ku po trajtohej prej disa ditësh me virusin vdekjeprurës.
Lajmi është konfirmuar nga klubi anglez ku drejton Guardiola, i cili shkruan në një postim në Twitter se Dolors Sala u nda nga jeta në moshën 82-vjeçare pasi u prek nga koronavirusi.
“Familja e Manchester Cityt shpreh ngushëllime për vdekjen e nënës së Pep, Dolors Sala Carrio në Barcelonë pasi u prek nga koronavirusi. Klubi dërgon ngushëllimet më të përzemërta në këtë kohë”-shkruhej në deklaratën e klubit anglez.
Trajneri spanjoll muajin e fundit dhuroi 1 milion euro për spitalet në Spanjë në mënyrë që të luftohet pandemia e COVID-19. Spanja është vendi i dytë pas Italisë si më i prekuri nga virusi vdekjeprurës i cili u ka marrë jetën mbi 13 mijë personave.
Etiketa: Covid-19, Dolors Sala, Guardiola, Koronavirusi
