Vazhdon tensioni përpara godinës së parlamentit. Policia ka hedhur jo vetëm gaz lotsjellës, por ka nisur të hedhë edhe ujë në drejtim të protestuesve.
Makinat ujëhedhëse kanë dalë nga pozicioni i tyre, ndërsa policia i shoqëron nga pas.
Forcat e Ndërhyrjes së Shpejtë kanë dalë deri në pedonale, duke larguar me forcë protestuesit.
Këta të fundit, vazhdojnë të hedhin bomba molotov. Policia ka marrë nën kontroll të gjithë segmentin e rrugës “Xhorxh Bush” përpara Parlamentit.
