Kronika

20 raste të reja me koronavirus në 24 orët e fundit, kryeson Tirana





Bëni LIKE faqen zyrtare në Facebook
               Publikuar në : 10:41 - 03/06/20 |
mapo.al

Në 24 orët e fundit janë konfirmuar pozitivë me koronavirus 20 raste të reja (21 ishin një ditë më parë).


Mirela Cami, Drejtore e Operatorit të Shërbimeve të Kujdesit Shëndetësor tha se prej tyre 15 janë në Tiranë, dy në Krujë, dy në Durrës dhe një në Kamëz.


4 nga rastet janë personel shëndetësor. Numri i të prekurve me COVID-19 në vendin tonë ka arritur në 1184 nga 16 500 testime molekulare dhe serologjike.


7 pacientë janë shëruar ditën e djeshme, duke e çuar në 898 numrin e të shëruarve. Aktualisht janë 253 raste aktive në Shqipëri. Vetëm 8% e të prekurve aktivë po trajtohen në spital. Rastet fatale nga koronavirusi në vendin tonë janë 33.


Bilanci i 24 orëve të fundit
Ju informojmë rreth situatës së COVID 19 në Shqipëri, në 24 orët e fundit. Kanë vijuar testimet dhe puna intensive në Laboratorin e Virologjisë në ISHP për të dyshuar të prekur me Covid19.

Në 24 orët e fundit janë kryer 297 testime nga të cilat janë konfirmuar 20 raste pozitive, përkatësisht, 15 raste në Tiranë, 2 raste në Krujë, 2 në Durrës, dhe 1 rast në Kamëz. Janë testuar 65 personel shëndetësor nga të cilët kanë rezultuar pozitivë 4 raste.

Rastet e identifikuara në 24 orët e fundit janë kryesisht kontakte të rasteve të zbuluara nga hetimi i kryer, dhe disa raste të reja për të cilat po vijon hetimi epidemiologjik. Në spitalin infektiv aktualisht po trajtohen 21 të prekur, nga të cilët 5 janë në terapi intensive, njëri prej tyre është i intubuar. Rreth 8% e të prekurve aktivë po trajtohen në spital kurse pjesa tjetër po ndiqen nga mjekët e familjes.

Në vendin tonë janë 253 persona aktivë me COVID19, kryesisht në Tiranë, Durrës dhe Krujë. Në 24 orët e fundit janë shëruar 7 qytetarë, duke e çuar në 898 numrin e të shëruarve. Nga fillimi i epidemisë janë kryer mbi 16500 testime molekulare dhe serologjike dhe janë konfirmuar pozitivë 1184 raste.

Ministria e Shëndetësisë dhe Mbrojtjes Sociale fton qytetarët të tregohen të kujdesshëm, duke respektuar rregullat e vendosura, për të ruajtur veten dhe të afërmit. Mos neglizhoni shenjat e sëmundjes dhe për çdo shqetësim telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.

COVID-19 – Statistika (3 Qershor 2020)
Testime totale 16817
Testime molekulare 15365
Testime serologjike 1452
Raste pozitive 1184
Raste të shëruara 898
Raste Aktive 253
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 172
Krujë 22
Durrës 15
Kamëz 12
Shkodër 10
Mat 9
Lushnje 6
Berat 2
Fier 2
Korçë 1
Librazhd 1
Mallakastër 1


Etiketa: , , , ,

CLOSE
CLOSE
Pas