Kronika

Rekord të infektuarish/ 90 raste të reja me koronavirus në 24 orët e fundit





Bëni LIKE faqen zyrtare në Facebook
               Publikuar në : 10:33 - 10/07/20 |
mapo.al

Bilanci i COVID-19 në vendin tonë vijon të regjistrojë shifra rekord.


Sot janë konfirmuar pozitivë me virusin e rrezikshëm 90 raste të reja (82 ishin një ditë më parë) nga 420 testime të ISHP. Ky është numri rekord i të infektuarve në vendin tonë. Numri i përgjithshëm i të infektuarve shkon në 3278.


Dr. Flutura Beqo nga Ministria e Shëndetësisë dhe Mbrojtjes Sociale tha se dy pacientë kanë ndërruar jetë sot, një 81-vjeçar nga Shkodra dhe një 63-vjeçar nga Elbasani, prej ditësh në gjendje të rëndë.


85 persona kanë humbur betejën me koronavirusin që prej fillimit të pandemisë.


43 pacientë janë shëruar, duke e çuar në 1875 numrin e personave që kanë mposhtur virusin vdekjeprurës. 81 pacientë po trajtohen te spitali Infektiv, 11 prej tyre janë në terapi intensive dhe 5 në intubim në gjendje të rëndë për jetën.

Bilanci ditor i COVID-19

81 pacientë të shtruar te Infektivi – Aktualisht janë të shtruar 81 pacientë në spital, 11 pacientë janë në terapi intensive në gjendje serioze dhe 5 prej tyre janë të intubuar në gjendje të rënde.

2 të vdekur sot – Fatkeqësisht dy qytetarë nuk e kanë fituar dot betejën me sëmundjen në spitalin infektiv. Një 81 vjeçar nga Shkodra dhe një 63 vjeçar nga Elbasani, të shtruar prej disa ditësh në spitalin infektiv në gjendje të rënduar, nuk kanë mundur të mbijetojnë, megjithë përpjekjet e stafit mjekësor. Ministria e Shëndetësisë dhe Mbrojtjes Sociale u shpreh ngushëllimet familjarëve.

90 raste pozitive – Gjatë 24 orëve të fundit janë kryer 420 testime për të dyshuar të prekur me COVID19, nga të cilat janë konfirmuar 90 raste pozitive.

Qytetet e prekura – Shpërndarja gjeografike e rasteve është si vijon: 36 raste në Tiranë, 15 në Durrës, 11 në Vlorë, nga 8 raste në Kukës, Krujë, 4 në Kurbin, 3 në Elbasan, 2 në Lushnje, nga 1 rast në Lezhë, Kamëz, Dibër.

43 shërohen – Në 24 orët e fundit janë shëruar 43 qytetarë, duke e çuar në 1875 numrin e të shëruarve që nga fillimi i epidemisë.

1318 persona aktivë – Në vendin tonë aktualisht janë 1318 persona aktivë me COVID19, kryesisht në Tiranë, Shkodër, Krujë, Durrës.

COVID-19 – Statistika (10 Korrik 2020)
Testime totale 31513
Raste pozitive 3278
Raste të shëruara 1875
Raste Aktive 1318
Humbje jete 85 (Qarku Tiranë 46, Durrës 13, Fier 5, Vlorë 2, Shkodër 13, Kukës 1, Elbasan 3, Lezhë 1, Berat 1)

Shpërndarja gjeografike e rasteve aktive sipas qarqeve:
Tiranë 529
Durrës 229
Shkodër 169
Vlorë 120
Lezhë 65
Fier 41
Kukës 40
Elbasan 34
Korçë 32
Berat 24
Dibër 18
Gjirokastër 17

Apeli për qytetarëtMinistria e Shëndetësisë dhe Mbrojtjes Sociale i rikujton bizneset se duhet të respektojnë me rigorozitet protokollet për të ruajtur shëndetin e punonjësve dhe qytetarëve.

I drejtohemi me një lutje të gjithë qytetarëve: Tregohuni të kujdesshëm, respektoni distancimin fizik, higjienën personale. Mbajtja e maskës në ambiente të mbyllura është e domosdoshme. Mbani maskën kudo ku nuk mund të ruani distancën fizike, për të mbrojtur veten dhe të tjerët, për të parandaluar përhapjen e infeksionit.

Izolohuni nëse keni shenja të sëmundjes dhe telefononi në numrin unik të Urgjencës Kombëtare, 127.
Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.


Etiketa: , , , ,

CLOSE
CLOSE
Pas