Kronika

Elbasan – Arrestohen vrasësit e Emiljano Ramazanit dhe Regis Runajt, autorët killera me pagesë (EMRAT)








Bëni LIKE faqen zyrtare në Facebook
               Publikuar në : 13:11 - 08/08/20 |
mapo.al

ELBASAN – Zbardhen dy ngjarjet e fundit kriminale në qytetin e Elbasanit ku brenda pak ditësh u ekzekutuan Emiljano Ramazani dhe Regis Runaj, të dy miq me njëri-tjetrin.


Drejtoria e Policisë së Elbasanit njoftoi se FNSH dhe RENEA kanë prangosur mëngjesin e sotëm dy autorët e ngjarjes, Xhuljo Hoxha, 29 vjeç, dhe Euglen Halili, 23 vjeç, të dy vrasës me pagesë. Detajet u bënë publike nga zv/drejtori i policisë së qarkut Elbasan, Alket Shatro gjatë një deklarate urgjente për mediat.


Regis Runaj, 23 vjeç, sipas policisë është masakruar me 27 goditje me thikë në trup, të cilat i kanë shkaktuar vdekjen e menjëhershme.


Ai është goditur fillimisht pas shpine me thikë nga Euglen Halili, duke rënë pa ndjenja, dhe më pas ka marrë disa goditje të tjera të njëpasnjëshme. Trupi i viktimës i masakruar u hodh nga autorët pranë varrezave të Elbasanit, në një zonë me shkurre për të vështirësuar gjetjen e tij.


Viktima dhe autorët kishin njohje me njëri-tjetrin, pasi atë mbrëmje kishin dalë të konsumonin lëndë narkotike.

Gjithashtu, policia deklaroi se dy të arrestuarit janë edhe autorë të vrasjes së Emiljano Ramazanit, ngjarje kjo e ndodhur mesditën e 20 korrikut pranë vendit të quajtur rrethrrotullimi i luleve, pasi viktima kishte dalë nga palestra. Për të dyja vrasjet, Xhuljo Hoxha dhe Euglen Halili janë paguar nga një grup tjetër kriminal.

Deklarata e plotë
Elbasan

Finalizohet operacioni policor i koduar “Shkumbini”.

Zbardhet dhe dokumentohet ngjarja e ndodhur më datë 29.07.2020, ku mbeti i vrarë shtetasi R. R.

Vihen në pranga 2 autorët e dyshuar.

Autorët e dyshuar, të përshirë edhe në ngjarje të tjera kriminale të ndodhura në qytetin e Elbasanit.

Strukturat hetimore të Drejtorisë Vendore të Policisë Elbasan dhe Departamenti i Policisë Krimnale në Drejtorinë e Përgjithshme të Policisë së Shtetit, nën drejtimin e Prokurorisë së Rrethit Gjyqësor Elbasan, pas një pune intensive hetimore 10-ditore, zbuluan dhe dokumentuan me prova ligjore ngjarjen e ndodhur në datën 29 korrik 2020, në afërsi të varrezave të qytetit Elbasan, ku mbeti i vrarë me armë të ftohtë shtetasi R. R.

Si rezultat, gjatë orëve të para të mëngjesit të sotëm, strukturat e DVP Elbasan, në bashkëpunim me FNSH dhe RENEA-n, në kuadër të operacionit policor të koduar “Shkumbini”, bënë të mundur kapjen dhe prangosjen e dy shtetasve, si autorë të dyshuar të kësaj ngjarjeje, konkretisht:

Xh. H., 29 vjeç dhe E. H., 23 vjeç, të dy banues në Elbasan.

Nga veprimet hetimore dhe profesionale të kryera ka rezultuar se viktima R. R., mbrëmjen e ngjarjes ka qenë në shoqërinë e dy autorëve të dyshuar dhe pasi kanë konsumuar lëndë narkoitke, në një park në afrësi të varrezave të qytetit, janë drejtuar për në qytetin e Elbasanit.

Në afërsi të varrezave, shtetasi E. H. e ka goditur shtetasin R. R., një herë me thikë nga mbrapa shpinës dhe më pas e ka goditur edhe 26 herë të tjera duke i shkaktuar vdekjen e menjëhershme.

Gjatë periudhës hetimore, nga grupi hetimor janë gjetur dhe sekuestruar prova shkencore që provojnë autorësinë e kësaj ngjarjeje.

Në cilësinë e provës materiale janë sekuestruar një motomjet, në të cilin u gjetën njolla gjaku, të cilat pas egzaminimit në laboratorin shkencor rezultuan se i përkasin viktimës, si dhe një shumë eurosh dhe prova të tjera ligjore.

Nga hetimet intensive ka rezultar se këta dy shtetas janë të përfshirë edhe në vrasjen e shtetasit E. R., ndodhur më datë 20 korrik 2020 në qytetin e Elbasanit, pasi nga provat e grumbulluara rezulton se të dy këta shtetas kanë ndjekur dhe kontrolluar lëvizjet e viktimës.

Po nga hetimet rezulton se këta shtetas, këto ngjarje i kanë kryer kundrejt pagesës nga persona të tjerë, për të cilët vijon puna intensive për dokumentimin me prova ligjore, kapjen dhe arrestimin e tyre.

Vijon puna intensive, nën drejtimin e Prokurorisë së Rrethit Gjyqësor Elbasan, për sqarimin e mëtejshëm, si dhe për kapjen e arrestimin e personave të tjerë të implikuar në këto ngjarje. Materialet i kaluan Prokurorisë së Rrethit Gjyqësor Elbasan, për veprën penale “Vrasja me paramendim” e kryer në bashkëpunim.

Drejtoria Vendore e Policisë Elbasan është e vendosur për të garantuar rendin dhe sigurinë publike në të gjithë territorin e qarkut. Me grupe hetimore të dedikuara, nën drejtimin e Prokurorisë së Rrethit Gjyqësor Elbasan, po punon për zbardhjen edhe të ngjarjeve të tjera të ndodhura.

Policia e Shtetit fton qytetarët që të informojnë në numrin 1122 dhe Komsiariatin Dixhital për çdo paligjshmëri dhe informacion në lidhje me autorët e përfshirë në ngjarje kriminale, duke iu garantuar anonimatin dhe reagim të shpejtë e të paanashëm. 

LEXO EDHE: 

Krimi tronditës në Elbasan, Regis Runaj u godit 27 herë me thikë nga shoku i tij Euglen Halili


Etiketa: , , , ,

Pas