Aktualitet

Arrestohet në Dubai Eldi Dizdari, pjesë e kartelit shqipfolës të kokainës














Bëni LIKE faqen zyrtare në Facebook
               Publikuar në : 11:07 - 17/09/20 |
mapo.al

Arrestohet i shumëkërkuari Eldi Dizdari, kreu i një rrjeti të fuqishëm trafiku kokaine.






Mësohet se arrestimi ka ndodhur në Dubai në kuadër të një operacioni ndërkombëtar droge të shtrirë edhe në shtete të tjera si Itali e Spanjë, mëngjesin e sotëm u shkatërrua një kartel shqiptar në trafikun e kokainës, që mendohet se drejtohet nga Dritan Rexhepi, nga burgu në Ekuador.


Eldi Dizdari njihet dhe me emrin Denis Matoshi, bashkëshort i modeles Suada Sherifi, e cila bie në sy për jetën luksoze brenda dhe jashtë vendit. Dizdari është shpallur person në kërkim për disa ngjarje kriminale në Shqipëri.







Emri i Eldi Dizdarit tërhoqi vëmendjen e medias për përfshirjen në ngjarjen që ndodhi më 4 tetor 2018 në një lokal në ish-Bllok, ku mbeti i vrarë Fabian Gaxha, truproja i Ervis Martinajt dhe u plagos ky i  fundit bashkë me një person tjetër.

Lexo edhe :  Yuri Kim: Shqipëria pikë kyçe e trafikut të drogës dhe qenieve njerëzore



Dizdari u shpall në kërkim nga policia për të dhënë shpjegime, pasi ai ishte personi që pati një konflikt të fortë me Ervin Matën, partnerin e Elvana Gjatës. Në këtë ngjarje grupi i Ervin Matës u përplas me armë zjarri me njerëzit e Ervis Martinajt.



Më herët, Ervin Mata ka pasur një konflikt jashtë lokalit me Eldi Dizdarin, rreth 30 minuta para se të ndodhte përplasja me armë. Shkak i mosmarrëveshjes dyshohet se ka qenë një sasi e konsiderueshme kokaine.

Mata nuk i është përgjigjur Dizdarit për transportimin e kësaj ngarkese dhe mes tyre për sqarim hyri biznesmeni i njohur i basteve, Ervis Martinaj, i cili mbeti i plagosur në lokalin ku ndodhi ngjarja.

LEXO EDHE: 

Shkatërrohet karteli më i madh shqipfolës i kokainës, kush janë shqiptarët e arrestuar (VIDEO)

1


Etiketa: , , , ,

CLOSE
CLOSE
Pas