Kronika

Arrestohet në Tiranë terroristi i ISIS, i shumëkërkuar në Gjermani





Bëni LIKE faqen zyrtare në Facebook
               Publikuar në : 09:22 - 30/04/20 |
mapo.al

TIRANË – Një shtetas nga Taxhikistani është vënë në pranga nga Drejtoria e Antiterrorit, në bashkëpunim me Interpol Tirana, njofton Policia e Shtetit.


24-vjeçari K.Z, ishte shpallur në kërkim ndërkombëtar, pas urdhër arrestit nga autoritetet gjermane për pjesëmarrje në organizatë terroriste e themeluar në Gjermani për të bërë xhihad në emër të ISIS.


Terroristi 24-vjeçar do të ekstradohet drejt Gjermanisë ku edhe do të përballet me akuzat që rëndojnë ndaj tij.


Njoftimi i Policisë
Operacioni, nga Drejtoria e Antiterrorit, në bashkëpunim me Interpol Tirana. Vihet në pranga, me qëllim ekstradimi, një shtetas nga Taxhikistani. 24-vjeçari, i shpallur në kërkim ndërkombëtar, i kërkuar në Gjermani.


Drejtoria e Antiterrorit, në vijim të punës për parandalimin, evidentimin dhe kapjen e personave me tendenca terroriste apo pjesëtarë të organizatave terroriste, si dhe në kuadër të shkëmbimit të informacionit me homologët dhe agjencitë ligjzbatuese brenda dhe jashtë vendit, ka organizuar dhe finalizuar operacionin e koduar “Vizitori”.

Në kuadër të këtij operacioni u bë i mundur identifikimi, kapja dhe më pas arrestimi, për qëllime ekstradimi, i shtetasit të huaj K. Z., 24 vjeç, nga Taxhikistani.

Ky shtetas ishte person i shpallur në kërkim ndërkombëtar nga Interpol Wiesbaden, Gjermani, pasi në ngarkim të tij, Gjykata Federale në Karlsruhe, Gjermani, më datë 21.04.2020 ka lëshuar urdhrin e arrestit ndërkombëtar, për veprën penale “Pjesëmarrje në një organizatë të huaj terroriste”, i dyshuar si anëtar dhe pjesëmarrës i kësaj organizate të huaj terroriste, e themeluar si celulë terroriste në Gjermani për të bërë xhihad në emër të shtetit islamik (ISIS).

Materialet e para hetimore iu referuan Prokurorisë pranë Gjykatës së Shkallës së Parë Tiranë, me qëllim kryerjen e procedurave të mëtejshme ligjore për ekstradimin e këtij shtetas të huaj.


Etiketa: , , , ,

Pas