Lufta mes Armenisë dhe Azerbajxhanit sapo mori një kthesë plotësisht tjetër.
Ditën e sotme është tentuar të ekzekutohet me anë të një rakete të hedhur nga një dron i komanduar, ministri i Mbrojtjes së Armenisë, Jalal Harutyunyan.
Sulmi ka ndodhur në provincën e Karabakh. Mediat azere e kanë cilësuar operacionin si të suksesshëm duke pretenduar se nga sulmi është ekzekutuar ministri armen i Mbrojtjes. Ato sqarojnë gjithashtu se operacioni është vendosur në veprim në momentin që është marrë vesh që ministri armen ishte në makinë, teksa raketa ka goditur automjetin e tij.
Por Jerevani përgenjështron lajmet azere duke deklaruar se ministri është shëndoshë e mirë dhe se nuk ka qenë në automjetin e sulmuar nga Azerbajxhani ditën e sotme.
Autoritetet e Azerbajxhanit e kanë akuzuar Jalal Harutynyan për shumë krime lufte në territorin e tyre që nga viti 1992. Harutyyan ka qenë pjesë aktive sipas tyre e sulmeve terroriste dhe është bërë pjesë e ushtrisë si udhëheqës i entitetit separatist.
Autoritetet azere i kanë bërë gjithashtu thirrje atyre armene që të ulin armët.
