Edi Paloka do të jetë drejtues politik i PD në Qarkun e Durrësit, për zgjedhjet parlamentare të 25 prillit 2021.
Vendimi është marrë nga Kryesia e PD me propozim të kryedemokratit Lulzim Basha. MAPO mëson se po sot Basha i ka besuar Sekretarit të Përgjithshëm të PD, Gazment Bardhi drejtimin politik të Qarkut të Elbasanit.
Kësisoj, deri tani Basha ka konfirmuar drejtuesit politikë në 5 qarqe. Fillimisht u konfirmua Bujar Leskaj në Qarkun e Vlorës i cili ka nisur edhe fushatën atje.
Më pas Basha i besoi Helidon Bushatit Qarkun e Shkodrës dhe Enkelejd Alibeajt Qarkun e Fierit.
Mbeten për t’u konfirmuar në vijim drejtuesit politik në qarqet Tiranë, Korçë, Berat, Gjirokastër, Dibër, Lezhë dhe Kukës.
1
Etiketa: Drejtues Politik, Durrës, Edi Paloka, Lulzim Basha, Qarku Durres
