Një automjet është përfshirë nga flakët në ecje tek Ura e Tapizës. Sipas informacioneve paraprake, një shkëndijë elektrike ka shkaktuar zjarr në automjet. Ende nuk ka një njoftim zyrtar por raportohet se nuk ka të plagosur. Mësohet se automjeti tip “Benz” është në pronësi të Aurel Kadetës.
Mësohet se makina ishte benzinë-gaz dhe ka marrë flakë nga një defekt… Nga flakët kanë shpëtuar mrekullisht shoferi dhe pasagjerët.
Ka qenë ndërhyrja në kohë e zjarrfikëses nga Kruja që ka evituar shpërthimin e mjetit që do sillte pasoja dhe tek kalimtaret që përshkojnë këtë aks. Makina është djegur e shkrirë tërësisht nga flakët.
