Kronika

Orë terrori në Elbasan, identifikohet autori i të shtënave drejt policisë (EMRI)








Bëni LIKE faqen zyrtare në Facebook
               Publikuar në : 14:09 - 24/09/20 |
mapo.al

Policia e Elbasanit ka bërë reagimin e parë për mediat lidhur me sulmin me armë zjarri ndaj forcave “Shqiponja”.


Autori i të shtënave është Lefter Zhidru, 71 vjeç, i cili pas sherrit me bashkëshorten e tij dhe mbërritjes së policisë të banesa e tij, ka marrë armën e zjarrit dhe ka hapur zjarr në drejt Forcave Shqiponja.


Në vendin e ngjarjes ka mbërritur edhe FNSH, të cilët i bënë thirrje autorit për t’u vetëdorëzuar. Nga të shtënat kanë mbetur të plagosur dy persona, Ledio Saraçi, 22 vjeç dhe Abdenauer Kndraxhiu, 21 vjeç, të cilët ndodhen jashtë rrezikut për jetën.


Reagimi i Policisë:
Më datë 24.09.2020, rreth orës 13:20, në lagjen “11 Nëntori”, Elbasan shtetasja F. Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar dhe vijon të qëllojë me armë zjarri kallash në drejtim të forcave të Policisë.


Forcat Shqiponja dhe Patrullat e Përgjithshme janë pozicionuar dhe kanë vendosur perimetrin e sigurisë dhe vijojnë t’i bëjnë thirrje këtij shtetasi të dorëzohet, i cili vijon të bëjë rezistencë duke qëlluar vazhdimisht në drejtim të Policisë.


Si pasojë e të shtënave janë plagosur jashtë rrezikut për jetën dy shtetas, L. S., 22 vjeç dhe A. K., 21 vjeç, kalimtarë të rastit, në momentin që ky shtetas ka filluar të qëllonte me armë në drejtim të Policisë.

Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë.

Shtetasi Lefter Zhidru vijon të qëllojë me armë duke bërë rezistencë edhe pas thirrjeve të pandërprera të Policisë.

Banesa nga e cila po qëllon ky shtetas është e rrethuar dhe Policia ka vendosur një perimetër të gjerë rrethimi, për të parandaluar dëmtimin e kalimtarëve të tjerë të rastit.


Etiketa: , , , ,

Pas