Mjeku infeksionist, Pëllumb Pipero, është infektuar me koronavirus. Të martën, rezultati i testit të tij ka dalë pozitiv, 16 ditë pasi ka marrë dozën e parë të vaksinës Pfizer.
Pipero u vaksinua në datën 11 janar, së bashku me kryeministrin Edi Rama dhe mjekët Najada Çomo e Tritan Kalo.
Pipero tha se është në gjendje të mirë, pasi i janë shfaqur vetëm simptoma të lehta, si dhembje koke.
Infektimi i Piperos është rasti i parë në vendin tonë që një person infektohet me koronavirus pasi ka marrë dozën e parë të vaksinës.
Deri tani, në Shqipëri janë vaksinuar rreth 500 persona, të gjithë mjekë dhe infermierë, si dhe kryeministri Edi Rama.
LEXO EDHE:
Rama bën vaksinën antiCOVID, vaksinohen edhe mjekët Pipero, Çomo e Kalo (VIDEO)