Kronika

Zbulohen 38 kg heroinë në Durrës, e fshehur brenda kamionit





Bëni LIKE faqen zyrtare në Facebook
               Publikuar në : 08:59 - 18/05/20 |
mapo.al

38 kg heroinë janë zbuluar në Portin e Durrësit nga Policia Kufitare. Heroina u zbulua në një kamion që po shkonte në Itali. Në pranga ka rënë 49-vjeçari nga Babrruja, Dhimitër Zyka. Heroina ishte futur në 68 pako dhe e fshehur për ti shpëtuar kontrolleve që bëhen në Portin e Durrësit, por futja në skaner e kamionit, ka zbuluar drogën.


“Si rezultat u vu në pranga shtetasi Dhimitër Zyka, 49 vjeç, banues në Babrru, Tiranë. Në PKK Port Durrës, shërbimet e Policisë Kufitare, në bazë të analizës së riskut, ushtruan kontroll të imtësishëm në vijën e dytë, në kamionin që e drejtonte ky shtetas dhe si rezultat i kontrollit, poshtë sediljeve u konstatuan dy vende të fshehura brenda të cilëve ishin fshehur 68 pako me lëndë narkotike të dyshuar heroinë”, – thotë policia.


Na kamionin që u kap heroina, po transportoheshin dy skafe. Kjo sasi heroine kap një vlerë rreth 1 milionë euro në treg.


Njoftimi


Kontrolle të shtuara për parandalimin dhe goditjen e krimeve ndërkufitare.

Policia Kufitare parandalon dhe godet një tentativë për trafikim të drogave të forta.

Parandalimi, identifikimi dhe goditja, si rezultat i bashkëpunimit dhe koordinimit mes Policisë Kufitare dhe Seksionit Kundër Narkotikëve në DVP Durrës.

Vihet në pranga 49-vjeçari që po transportonte me kamion lëndën narkotike.

Sekuestrohen 68 pako me lëndë narkotike heroinë.

Strukturat e DVKM Durrës, në bashkëpunim me specialistët për Hetimin e Trafiqeve dhe Narkotikëve në DVP Durrës, në vijim të kontrolleve intensive për parandalimin dhe goditjen e trafikut të lëndëve narkotike, parandaluan dhe goditën një tjetër tentativë për trafikim të drogave të forta.

Si rezultat u vu në pranga shtetasi Dh. Z., 49 vjeç, banues në Babrru, Tiranë.

Në PKK Port Durrës, shërbimet e Policisë Kufitare, në bazë të analizës së riskut, ushtruan kontroll të imtësishëm në vijën e dytë, në kamionin që e drejtonte ky shtetas dhe si rezultat i kontrollit, poshtë sediljeve u konstatuan dy vende të fshehura brenda të cilëve ishin fshehur 68 pako me lëndë narkotike të dyshuar heroinë.

Në cilësinë e provës materiale u sekuestrua lënda narkotike heroinë me peshë totale rreth 38 kg.

Materialet në ngarkim të shtetasit Dh. Z. iu referuan Prokurorisë së Rrethit Gjyqësor Durrës, për veprën penale “Trafikimi i narkotikëve, në bashkëpunim”


Etiketa: , ,

Pas