Kryesore

‘Le ta nisin si studentët…’, propozimi i Veliajt që iritojë më shumë banorët e ‘Unazës së Re’, se sa ‘Shpellarë’





               Publikuar në : 19:05 - 13/11/18 |
mapo.al

Kreu i Bashkisë së Tiranës, Erion Veliaj, është treguar shumë i ashpër në reagimin e tij sot paradite, veçanërisht për protestën e banorëve të zonës së “Astirit” që rrezikojnë të mbeten pa shtëpi.


Veliaj tha se, këta persona duhet ta nisin nga zero, njësoj siç bëjnë studentët, por kreu i Bashkisë ka harruar faktin se një pjesë e banorëve janë goxha në moshë.



Banorët e irituar janë shprehur se e kanë të pamundur që ta nisin nga zero në vitin 2018. Për këtë, kanë nisur një protestë këtë pasdite kundër prishjes së shtëpive të tyre, siç parashikohet në planin për ndërtimin e Unazës së Madhe.


Banorët janë vendosur në zonën e “Unazës së Re”, disa metra nga mbikalimi duke bllokuar të dyja anët e rrugës kryesore. Ata i vunë flakën edhe gomave të vendosur në mes të rrugës, si dhe një kazani mbetjesh që ndodhet aty pranë.

“Poshtë hajdutët; duam shtëpitë tona; dy duar për një kokë, kryeministër ku je fshehur; poshtë diktatura”,- ishin disa nga thirrjet në kor, dhe shkrimet në protestat e banorëve, të cilët paralajmëruan vijimin e protestave deri sa problemi që kanë ngritur të marrë zgjidhje.

Revoltë banoret shkrehën edhe ndaj fjalimit të kryebashkiakut të Tiranës Erjon Veliaj, që mbajti më herët gjatë fjalës së sotme në mbledhjen e këshillit bashkiak.

“Nuk jemi shpellarë jemi qytetarë”, “O Erjon o legen, prite popullin se po vjen”,- ishin disa nga thirrjet në kor të banorëve.

“Një njeri pa nivel, të vij këtu të bëj një dorë muhabet po është burrë”,- tha një banor për gazetarët në terren, në përgjigje të deklaratave të kryebashkiakut.

“Me taksat tona bëri dasmën Erjon Veliaj, jo me fiq”,- u shpreh një banore.

protesta 1

protesta

protesta 3

PD: Banorët dëmshpërblim sipas vlerës së tregut

Të pranishëm në protestë ishin edhe deputetë opozitarë.

vokshi

Klevis Balliu, në një prononcim për gazetarët, u bëri thirrje instancave shtetërore të bisedojnë me banorët dhe ata të marrin kompenson siç u takon për prishjen e banesave të tyre.

BALLIU

“Banorët të marrin të gjithë dëmshpërblim, sipas vlerës së tregut”,apeloi deputetja demokrate. Ajo shtoi se, nisma për prishjen e shtëpive është “e paligjshme dhe antikushtetuese”.


Etiketa: , , , ,

Pas