Deputeti Lefter Maliqi ka bërë një denoncim të fortë sot në Kuvend ku ka thirrur për interpelancë ministren e Drejtësisë, Etilda Gjonaj.
Maliqi tha se Drejtori i Përgjithshëm i Burgjeve nuk është në varësi të saj vetëm në 19 muaj nga emërimi ka kryer 250 komandime. Gjithashtu denoncoi se skandale per abuzim seksual nga eprorët.
“Çfarë ndodh te burgjet zonja ministre? Sepse më kanë thënë që edhe kur keni vajtur për ta takuar Drejtorin e Përgjithshëm ju ka thënë sekretarja e tij që: Më fal por është duke folur me kryeministrin. Këta janë drejtora që kanë lidhje me oligarkët dhe kryeministrin.
Ta thashë këtë që Drejtori i Përgjithshëm i Burgjeve nuk të pyet fare. Mbi 250 janë komandimet në sistemin e burgjeve. Që nga nëndrejtori i përgjithshëm, që nga shefi i personelit, që e hoqën mikun e Qefalisë dhe të Majkos.
Pra hoqi disa drejtorë të tjerë, me qëllim për ta pasur nën kontroll sistemin e burgjeve, madje të bëjë edhe sfilitë mode. Apo doni ndonjë foto t’ua publikoj këtu. Këto janë skandalet.
Jo sfilite mode, por janë edhe dy police në Korçe që i kanë vajtur në zyrë këtij drejtori barkderr. E kanë denoncuar për abuzime seksuale. Ky i çon në detyra të vështira policet”, tha në Kuvend Maliqi.
