Pas zhgënjimit në përballjen direkte me Manchester City-n, Liverpool ka pësuar një tjetër disfatë në Premier League kundër Leicester, edhe pse po fitonte deri në minutën e 78.
“The Reds” për llogari të javës së 24 janë përmbysur me rezultatin 3-1, duke humbur mundësinë për vendin e tretë që mbahet nga Leicester.
Në King Power Stadium pjesa e parë u mbyll me porta të paprekura, ndërsa në të dytën Salah zhbllokoi për Liverpool.
Ky episod duket se tërboi “dhelprat” të cilët në harkun kohor kohor të dy minutave (‘78, ‘81) përmbysën shifrat falë golave të Maddison dhe Vardy-t.
Skuadra e Kloop mbeti e shtangur, ndërsa Barnes (‘85) do të vuloste shifrat përfundimtare. Kjo ishte humbja e tretë radhazi për Liverpool në kampionat.
