Kujt nuk i ka ndodhur që teksa qendron në trafik të dendur, vuajtjet t’i shtohen nga fakti që disa të zgjuar, të fortë, ose më saktë idiotë, nuk respektojnë rregullat, por futen në parakalim duke bërë pizavengun e duke shkaktuar ndërkohë një kaos që shton edhe më shumë stresin e kohën e qendrimit në linjë.
Kjo gjë shkakton revoltë dhe zemërim edhe më të madh se trafiku.
Ata që respektojnë radhën, tallen, përçmohen dhe trajtohen si budallenj nga ata pilotët idiotë që parakalojnë teksa nuk lejohet dhe rruga është vetëm me një korsi.
Kjo gjë është një kronikë e zakonshme në rrugët tona, si fatalitet që tregon në fakt çfarë vendi jemi.
Dhe askush nuk proteston. E njëjta llogjikë me të cilën ky popull duron qeveritë dhe sunduesit arrogantë e të korruptuar.
Po ja çfarë leksioni na japin disa turistë francezë. Shihni videon më poshtë. Ata po vijnë me pushime në vendin tonë dhe kanë ngecur në trafik në doganën e Hanit të Hotit. Si zakonisht ia behin këta pilotët arrogantë dhe idiotë që nuk rrinë dot si gjithë të tjerët në pritje.
Por kësaj radhe nuk janë lejuar. Turistët francezë kanë dalë në rrugë duke i penguar të bëjnë çmendurinë e përditshme. Një leksion mjaft i vyer për të gjithë ne. Një shembull kuptimplotë, që manifeston qartë pse ne si shoqëri jemi aty ku jemi, dhe pse Europa është aty ku është.