Aktualitet

Lëvizte i armatosur në plazhin e Jalës, arrestohet 30-vjeçari














Bëni LIKE faqen zyrtare në Facebook
               Publikuar në : 09:29 - 11/07/21 |
mapo.al

Një 30-vjeçar e inicialet M.K. është kapur dhe është arrestuar në flagrancë në zonën e plazhit në Jalë, pasi qarkullonte me armë zjarri.






Forcat “Shqiponja” teksa patrullonin bregdetin, kanë konstatuar sjelljen e çuditshme të 30-vjeçarit. Gjatë kontrollit të ushtruar, atij i është gjetur në çantën e dorës arma e zjarrit pistoletë.


Në cilësinë e provës materiale është sekuestruar arma që mbahej nga shtetasi pa leje.









Njoftimi i plotë



Shërbimet e Policisë evidentojnë dhe godasin një rast të armëmbajtjes pa leje në zonën e plazhit.

Qarkullonte me armë zjarri me vete në zonën e plazhit në Jalë, kapet dhe arrestohet në flagrancë 30-vjeçari.

Sekuestrohet në cilësinë e provës materiale një armë zjarri pistoletë pa leje.

Në zbatim të Planit të Masave të hartuar nga Drejtoria e Përgjithshme e Policisë së Shtetit, për garantimin e rendit dhe sigurisë dhe parandalimin e ngjarjeve kriminale gjatë sezonit turistik, bazuar dhe në informacionet e siguruara nga qytetarët, shërbimet e Komisariatit të Policisë Himarë, në bashkëpunim me Forcën e Posaçme “Shqiponja”, kanë intensifikuar punën dhe si rezultat i kontrolleve të shtuara kanë identifikuar, kapur dhe arrestuar në flagrancë shtetasin M. K., 30 vjeç, banues në Tiranë.

Ky shtetas u kap nga shërbimet e Policisë, në zonën e plazhit, në vendin e quajtur “Kampingu Jalë, duke qarkulluar si pasagjer në një automjet. Gjatë kontrollit në çantën e dorës të shtetasit M. K., shërbimet e Policisë gjetën dhe sekuestruan në cilësinë e provës materiale një armë zjarri pistoletë.

Në përfundim të veprimeve të para hetimore u bë arrestimi në flagrancë i shtetasit M. K., për veprën penale “Armëmbajtje pa leje”.

Materialet procedurale do t’i kalojnë Prokurorisë pranë Gjykatës së Shkallës së Parë Vlorë, për veprime të mëtejshme.

1


Etiketa: , , ,

CLOSE
CLOSE
Pas